തൃശൂർ: സംസ്ഥാന സ്‌കൂൾ കായികമേളയിൽ ലോംങ്ങ് ജമ്പ് താരത്തിന് ഗുരുതരമായി പരിക്കേറ്റു. സീനിയർ ആൺകുട്ടികളുടെ ലോംങ്ങ് ജമ്പിനിടെയാണ് സംഭവം. വയനാട്ടിൽ നിന്നെത്തിയ മുഹമ്മദ് സിനാന് ആണ് ഗുരുതരമായി പരിക്കേറ്റത്.
കഴുത്തിന് സാരമായി പരിക്കേറ്റ സിനാനെ വിദഗ്ധ ചികിത്സയ്‌ക്ക് വേണ്ടി തൃശൂർ മെഡിക്കൽ കോളേജിലേക്ക് മാറ്റിയിരിക്കുകയാണ്. ചാട്ടം പൂർത്തിയാക്കിയ സിനാൻ ഗ്രിപ്പ് കിട്ടാതെ മുന്നോട്ട് വീഴുകയായിരുന്നു. വീഴ്ചയിൽ കഴുത്തിന് ഗുരുതരമായി പരിക്കേറ്റു.
പ്രാഥമിക പരിശോധനയിൽ തന്നെ പരിക്ക് ഗുരുതരമാണെന്ന് കണ്ടെത്തിയതിനെ തുടർന്ന് സിനാനെ ആശുപത്രിയിൽ എത്തിക്കുകയായിരുന്നു. കൂടുതൽ വിവരങ്ങൾ പുറത്തു വന്നിട്ടില്ല.
പ്രതികരിക്കാൻ ഇവിടെ എഴുതുക: