ട്രിച്ചി വിമാനത്താവളത്തിൽ വൻ സ്വർണവേട്ട; പിടികൂടിയത് 43 ലക്ഷം രൂപയുടെ സ്വർണം

ചെന്നൈ: ട്രിച്ചി വിമാനത്താവളത്തിൽ വൻ സ്വർണവേട്ട. 43 ലക്ഷം രൂപയുടെ സ്വർണമാണ് ഇവിടെ നിന്നും പിടികൂടിയത്. ക്വാലാലംപൂരിൽ നിന്നും എത്തിയ യാത്രക്കാരിൽ നിന്നാണ് സ്വർണം പിടികൂടിയത്. 42.91 ലക്ഷം രൂപ വിലമതിക്കുന്ന 717 ഗ്രാം സ്വർണമാണ് ഇവരിൽ നിന്നും പിടിച്ചെടുത്തത്. എയർ ഇന്റലിജൻസ് യൂണിറ്റ് നടത്തിയ പരിശോധനയിലാണ് സ്വർണം പിടികൂടിയത്.

സംശയം തോന്നിയതിനെ തുടർന്ന നടത്തിയ പരിശോധനയിലാണ് സ്വർണം കണ്ടെത്തിയത്. പേസ്റ്റ് രൂപത്തിൽ ക്യാപ്‌സൂളുകളാക്കിയ നിലയിലായിരുന്നു സ്വർണം. പ്രതിയെ കസ്റ്റംസ് ഉദ്യോഗർക്ക് കൈമാറി.