കൊച്ചി : സിപിഎം നേതാവ് പി ആർ അരവിന്ദാക്ഷനും സഹകരണബാങ്കുകളില്‍ നിന്നും കോടികള്‍ തട്ടിയ സതീഷ് കുമാര്‍ എന്ന വെളപ്പായ സതീശനും തമ്മിൽ നടത്തിയ സംഭാഷണങ്ങളുടെ ആറ് ശബ്ദരേഖകള്‍ ഇഡി കോടതിയില്‍ ഹാജരാക്കും. കളളപ്പണ ഇടപാട് സംബന്ധിച്ച് ഇതിൽ സൂചനകളുണ്ടെന്നാണ് ഇഡിയുടെ അവകാശവാദം.
കരുവന്നൂർ ബാങ്ക് തട്ടിപ്പ് കേസിൽ അറസ്റ്റിലായ സ്വകാര്യ പണമിടപാടുകാരൻ പി സതീഷ് കുമാർ, ഇടനിലക്കാരൻ പി. പി കിരൺ, വടക്കാഞ്ചേരി നഗരസഭാംഗമായ സിപിഎം ലോക്കൽ കമ്മിറ്റിയംഗം പി ആർ അരവിന്ദാക്ഷൻ, കരുവന്നൂർ ബാങ്ക് മുൻ അക്കൗണ്ടന്റെ സികെ ജിൽസ് എന്നിവർക്കെതിരായ കുറ്റപത്രമാണ് ഒക്ടോബര്‍ 30നകം ഇഡി കുറ്റപത്രം സമർപ്പിക്കുമെന്നറിയുന്നു. ഇത് വഴി മുഖ്യപ്രതി പി സതീഷ് കുമാറിന്റെയും കിരണിന്റെയും ഉള്‍പ്പെടെ ജാമ്യ നീക്കം തടയുകയാണ് ലക്ഷ്യമെന്നും പറയപ്പെടുന്നു. .
അതിനിടെ റബ്കോ എം ഡി അടക്കമുളളവരെ ചോദ്യം ചെയ്യുന്നത് അന്വേഷണ സംഘം തുടരുകയാണ്. കരുവന്നൂർ ബാങ്ക് റബ്കോയും തമ്മിൽ നടത്തിയ ഔദ്യോഗിക ഇടപാടുകളുടെ വിശദാംശങ്ങളാണ് സ്ഥാപനത്തിന്റെ എംഡി ഹരിദാസൻ നന്പ്യാരിൽ നിന്ന് തേടുന്നത്. കരുവന്നൂർ ബാങ്കിലെ ജീവനക്കാരിൽനിന്നും മൊഴിയെടുക്കുന്നുണ്ട്.
പ്രതികരിക്കാൻ ഇവിടെ എഴുതുക: