തിരുവനന്തപുരം: തലശേരി ഗവ.കോളജ് ഇനി അറിയപ്പെടുക സി പി എം നേതാവ് കോടിയേരി ബാലകൃഷ്ണന്റെ പേരില്‍. കോടിയേരി സ്മാരക കോളേജ് എന്നാണ് ഇനി അറിയപ്പെടുക.
പേരുമാറ്റിയ വിവരം ഉന്നത വിദ്യാഭ്യാസ മന്ത്രി ഡോ. ആര്‍ ബിന്ദുവാണ് അറിയിച്ചത്. കോടിയേരി ബാലകൃഷ്ണനോടുള്ള ആദര സൂചകമായി ഉന്നതവിദ്യാഭ്യാസ വകുപ്പാണ് കോളജേിന്റെ പേര് മാറ്റിയത്.
കോളേജിന്റെ ഉന്നമനത്തിന് പൊതുപ്രവര്‍ത്തകന്‍, ജനപ്രതിനിധി,മന്ത്രിയെന്ന നിലകളില്‍ കോടിയേരി ബാലകൃഷ്ണന്‍ നല്‍കിയ സംഭവനകള്‍ക്ക് ഉന്നതവിദ്യാഭ്യാസ വകുപ്പിന്റെ ആദരമായാണ് പേരുമാറ്റമെന്ന് മന്ത്രി പറഞ്ഞു.
കോളേജിന് കോടിയേരിയുടെ പേരിടണമെന്ന് ആവശ്യപ്പെട്ട് തലശേരി എംഎല്‍എ കൂടിയായ നിയമസഭാ സ്പീക്കര്‍ എ എന്‍ ഷംസീര്‍ കത്ത് നല്‍കിയിരുന്നുവെന്നും മന്ത്രി ഡോ. ആര്‍ ബിന്ദു വെളിപ്പെടുത്തി.
പ്രതികരിക്കാൻ ഇവിടെ എഴുതുക: