കോട്ടയം: പാമ്പാടിയിൽ ട്രാൻസ്‌ഫോമർ കമ്പനിയിൽ തീപിടിത്തം. ആലാമ്പള്ളിയിൽ പ്രവർത്തിച്ചു വന്നിരുന്നു യൂണിഫോർ എന്ന ട്രാൻസ്‌ഫോമർ നിർമ്മാണ കമ്പനിയിലാണ് തീപിടിത്തം ഉണ്ടായത്. ഇന്ന് പുലർച്ചെയോടെയായിരുന്നു സംഭവം. പട്രോളിംഗിന് എത്തിയ പോലീസ് സംഘമാണ് തീപിടിത്തം കാണുന്നത്.
പിന്നാലെ അഗ്നിരക്ഷാ സേനയിൽ വിവരം അറിയിക്കുകയായിരുന്നു. പാമ്പാടിയിൽ നിന്നുമുള്ള സേനയ്‌ക്ക് പുറമെ കാഞ്ഞിരപ്പള്ളി-കോട്ടയം എന്നിവിടങ്ങളിൽ നിന്നും സേന എത്തിയാണ് തീ നിയന്ത്രണ വിധേയമാക്കിയത്. തീപടരാനുള്ള കാരണം ഇനിയും വ്യക്തമല്ല.
ലക്ഷങ്ങളുടെ നാശനഷ്ടമാണ് സംഭവിച്ചിരിക്കുന്നതെന്ന് പോലീസ് പറയുന്നു. സ്ഥാപനത്തിൽ തീ നിയന്ത്രിക്കാനുള്ള സംവിധാനങ്ങൾ ഒന്നും തന്നെയുണ്ടായിരുന്നില്ല.
പ്രതികരിക്കാൻ ഇവിടെ എഴുതുക: