കൊച്ചി: പ്രൊഫ. എം.കെ. സാനുവിന്റെ ഭാര്യ എന്‍. രത്നമ്മ (90) അന്തരിച്ചു. എറണാകുളം കാരിക്കാമുറി ആശാരി ലെയിനിലെ ‘സന്ധ്യ’ യില്‍ ആയിരുന്നു അന്ത്യം. തിരുക്കൊച്ചി സംസ്ഥാനത്തെ മുന്‍ ആരോഗ്യവകുപ്പ് മന്ത്രി വി. മാധവന്‍ വക്കീലിന്റെ മൂന്നാമത്തെ മകളാണ്. ഭൗതികശരീരം വീട്ടില്‍ പൊതുദര്‍ശനത്തിന് ശേഷം വൈകിട്ട് 5ന് രവിപുരം ശ്മശാനത്തില്‍ സംസ്‌കരിച്ചു.
മക്കള്‍: എം.എസ്. രഞ്ജിത്ത് (റിട്ട. ഡെ. ചീഫ് മെക്കാനിക്കല്‍ എന്‍ജിനീയര്‍, കൊച്ചിന്‍ പോര്‍ട്ട്), എം.എസ്. രേഖ, ഡോ. എം.എസ്. ഗീത (റിട്ട. അധ്യാപിക, സെ. പോള്‍സ് കോളജ്, ഹിന്ദി വിഭാഗം മേധാവി), എം.എസ്. സീത (സോഷ്യല്‍ വെല്‍ഫെയര്‍ ഡിപ്പാര്‍ട്ട്മെന്റ്, വിമന്‍ ആന്‍ഡ് ചൈല്‍ഡ് ഡവലപ്മെന്റ്), എം.എസ്. ഹാരിസ് (ദുബായ്, എന്‍ജിനീയര്‍).
മരുമക്കള്‍: സി.വി. മായ, സി. കെ. കൃഷ്ണന്‍ (ഇന്ത്യന്‍ അലൂമിനിയം കമ്പനി), പി.വി. ജ്യോതി (റിട്ട. മുനി. കോര്‍പറേഷന്‍ സെക്രട്ടറി), മിനി (ദുബായ്). മന്ത്രിമാരായ ആര്‍. ബിന്ദു, പി. രാജീവ്, ജസ്റ്റിസ് ദേവന്‍ രാമചന്ദ്രന്‍, ഹൈബി ഈഡന്‍ എംപി, മേയര്‍ എം. അനില്‍കുമാര്‍ തുടങ്ങിയവര്‍ അന്ത്യോപചാരം അര്‍പ്പിച്ചു.
പ്രതികരിക്കാൻ ഇവിടെ എഴുതുക: