സംസ്ഥാനത്ത് അഗ്‌നിപഥ് ആർമി റിക്രൂട്ട്‌മെന്റ് റാലി; ഏഴ് ജില്ലകളിലെ ഉദ്യോഗാർഥികൾ പങ്കെടുക്കും

കൊച്ചി: നവംബർ 16 മുതൽ 25 വരെ അഗ്‌നിപഥ് ആർമി റിക്രൂട്ട്‌മെന്റ് റാലി. എറണാകുളം മുതൽ തിരുവനന്തപുരം വരെയുള്ള ഏഴ് ജില്ലകളിലെ 6000 ഉദ്യോഗാർഥികളാണ് റാലിയിൽ പങ്കെടുക്കുക. എറണാകുളം മഹാരാജാസ് കോളേജ് ഗ്രൗണ്ടിലാണ് റാലി നടക്കുക.

പ്രാഥമിക എഴുത്തു പരീക്ഷയിൽ വിജയിച്ച ആറായിരം പേർ റാലിക്കെത്തും. പ്രതിദിനം ആയിരത്തോളം പേരായിരിക്കും എത്തുക. രാവിലെ മൂന്നിന് റാലിയുമായി ബന്ധപ്പെട്ട നടപടികൾ ആരംഭിക്കും. രജിസ്‌ട്രേഷന് ശേഷം രാവിലെ ആറു മുതൽ 9:30 വരെയായിരിക്കും ശാരീരിക പരിശോധന നടക്കുക.