മികച്ച നടിക്കുള്ള ദേശീയ അവാര്‍ഡ് സ്വീകരിക്കാന്‍ ആലിയ ഭട്ട് എത്തിയത് വിവാഹവസ്ത്രമണിഞ്ഞ്. ഭര്‍ത്താവ് നടന്‍ രണ്‍ബീര്‍ കപൂറിനൊപ്പം എത്തിയ താരം കഴിഞ്ഞ വര്‍ഷം വിവാഹദിനത്തില്‍ ധരിച്ച വെള്ള സാരിയാണ് അണിഞ്ഞിരുന്നത്.
ഗംഗുഭായ് കത്യവാടി എന്ന ചിത്രത്തിലെ അഭിനയത്തിനാണ് നടിക്ക് പുരസ്‌കാരം. ഇന്ന് ന്യൂഡല്‍ഹിയില്‍ നടന്ന പുരസ്‌കാര ദാന ചടങ്ങില്‍ രാഷ്‌ട്രപതിയില്‍ നിന്ന് നടി പുരസ്‌കാരം സ്വീകരിച്ചു.
ചടങ്ങില്‍ നിന്നുള്ള ചിത്രങ്ങളും വീഡിയോകളും ഇപ്പോള്‍ സാമൂഹ്യ മാധ്യമങ്ങളില്‍ വൈറലാകുകയാണ്.പ്രശസ്ത ഡിസൈനര്‍ സബ്യസാചി രൂപകല്‍പന ചെയ്ത ഗോള്‍ഡന്‍ എംബ്രോയിഡറി വര്‍ക്കുളള ഐവറി സാരിയില്‍ ആലിയ തിളങ്ങി. ബണ്ണില്‍ മുടി കെട്ടിവച്ച താരം പരിപാടിക്കായി വ്യത്യസ്ത ആഭരണങ്ങളാണ് അണിഞ്ഞത്.
മുടിയില്‍ വെളുത്ത റോസാപ്പൂക്കളും ധരിച്ചിരുന്നു. ആലിയ പുരസ്‌കാരം സ്വീകരിച്ചപ്പോള്‍, രണ്‍ബീര്‍ മൊബൈലില്‍ അത് പകര്‍ത്തി.
ആലിയയുടെ ലുക്ക് എക്‌സ് പ്ലാറ്റ്‌ഫോമില്‍ പ്രത്യക്ഷപ്പെട്ടതിന് തൊട്ടുപിന്നാലെ വീഡിയോകള്‍ വൈറലായി.
കഴിഞ്ഞ വര്‍ഷം ഏപ്രില്‍ 14 ന് മുംബൈയിലെ വസതിയില്‍ വച്ചായിരുന്നു ആലിയ ഭട്ടിന്റെയും രണ്‍ബീര്‍ കപൂറിന്റെയും വിവാഹം. ഐവറി എംബ്രോയിഡറി വര്‍ക്കുളള വെളള സാരിയില്‍ അതിസുന്ദരിയായാണ് നടി കാണപ്പെട്ടത്.
എനിക്ക് സാരി ഇഷ്ടമാണ്. ലോകത്തിലെ ഏറ്റവും സുഖപ്രദമായ വസ്ത്രമാണത്. അതുകൊണ്ടാണ് വിവാഹത്തിന് ധരിച്ചത്- നടി ഒരഭിമുഖത്തില്‍ പറയുകയുണ്ടായി.
പ്രതികരിക്കാൻ ഇവിടെ എഴുതുക: