കാഞ്ഞാണി: അരിമ്പൂരില്‍ തമിഴ്‌നാട്ടുകാരനായ ആക്രിക്കച്ചവടക്കാരന്‍ കൊലചെയ്യപ്പെട്ട കേസില്‍ കൊലപ്പെടുത്താന്‍ പ്രതികള്‍ ഉപയോഗിച്ച ആയുധങ്ങള്‍ കുളത്തില്‍ നിന്ന് മുങ്ങിയെടുത്തു പോലീസിന് നല്‍കിയ സഹോദരന്മാരെ ബിജെപി ആദരിച്ചു.
അരിമ്പൂര്‍ പാറക്കുളത്തിന് സമീപം താമസിക്കുന്ന അമ്പലത്ത് കുട്ടന്റെ മക്കളായ സന്തോഷ്, കണ്ണന്‍ എന്നിവരെയാണ് ബിജെപി പാലക്കാട് മേഖല സെക്രട്ടറി സുധീഷ് മേനോത്തുപറമ്പിലിന്റെ നേതൃത്വത്തില്‍ ആദരിച്ചത്. കഴിഞ്ഞ മാസം 17ന് ഞായറാഴ്‌ച്ച രാവിലെയാണ് കടലൂര്‍ സ്വദേശി ആദിത്യന്‍ (41) നെ അരിമ്പൂരില്‍ താമസിച്ചിരുന്ന വീട്ടില്‍ മരിച്ച നിലയില്‍ കണ്ടെത്തിയത്.
തുടര്‍ന്ന് പ്രതികളുമായി തെളിവെടുപ്പിനെത്തിയ പോലീസും ഫയര്‍ ഫോഴ്സും കൊലക്ക് ശേഷം പ്രതികള്‍ കുളത്തില്‍ എറിഞ്ഞു കളഞ്ഞ കത്തി തപ്പിയെടുക്കാന്‍ ശ്രമിച്ചെങ്കിലും പരാജയപ്പെട്ടു. തുടര്‍ന്നാണ് സന്തോഷും കണ്ണനും കുളത്തിലിറങ്ങി കത്തിയും വെട്ടുകത്തിയും കണ്ടെടുക്കുന്നത്.
ബിജെപി മുന്‍ പഞ്ചായത്ത് പ്രസിഡന്റ് എം. മുരളിധരന്‍, കൃഷ്ണകുമാര്‍ എറവ്, സുനില്‍ കൈപ്പിള്ളി, എ. സതീഷ്, രാജേഷ് പൂക്കാടന്‍, പ്രദീപ് മാടമ്പത്ത്, മോഹനന്‍ കൈപ്പിള്ളി എന്നിവരും ആദരിക്കല്‍ ചടങ്ങില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: