ന്യൂദല്‍ഹി: നവരാത്രിയുടെ ഭാഗമായി പ്രധാനമന്ത്രി നരേന്ദ്രമോദി രചിച്ച പുതിയഗാനം പുറത്തിറക്കി. ‘മാദി’ എന്ന ഗാനം ദിവ്യ കുമാറാണ് ആലപിച്ചത്. മീറ്റ് ബ്രോസിന്റേതാണ് സംഗീതം. പാട്ട് യൂട്യൂബിലും ട്വിറ്ററിലും മോദി പങ്കുവച്ചു.
ശുഭകരമായ നവരാത്രി നമുക്കു മുന്നില്‍ വരുമ്പോള്‍, കഴിഞ്ഞ ആഴ്ച എഴുതിയ ഒരു ഗര്‍ബ ഗാനം പങ്കുവയ്‌ക്കുന്നതില്‍ സന്തോഷമുണ്ടെന്ന് മോദി എക്സില്‍ കുറിച്ചു. ഗാനം ആലപിച്ച ദിവ്യ കുമാര്‍, സംഗീതം നല്കിയ മീറ്റ് ബ്രോസ് എന്നിവര്‍ക്കും പ്രധാനമന്ത്രി നന്ദിയറിയിച്ചു. നാല് മിനിറ്റ് 40 സെക്കന്‍ഡ് ദൈര്‍ഘ്യമുള്ളതാണ് ഗാനം.
വഡോദരയിലെ സര്‍ദാര്‍ വല്ലഭഭായ് പട്ടേലിന്റെ പ്രതിമയും ഗാനദൃശ്യങ്ങളില്‍ പശ്ചാത്തലമായി വരുന്നുണ്ട്. വര്‍ഷങ്ങള്‍ക്കുമുമ്പ് പ്രധാനമന്ത്രി രചിച്ച ഒരു ഗര്‍ബ ഗാനം കഴിഞ്ഞദിവസം പുറത്തിറക്കിയിരുന്നു.
ഗാനമാലപിച്ച ധ്വനി ഭാനുശാലി, സംഗീതം നല്കിയ തനിഷ്‌ക് ബാഗ്ചി, ജസ്റ്റ് സംഗീത സംഘം എന്നിവര്‍ക്ക് പ്രധാനമന്ത്രി നന്ദി അറിയിച്ചിരുന്നു. പുതിയതായി ഒരു ഗര്‍ബ ഗാനം കൂടി രചിച്ചതായും ഉടന്‍ പുറത്തിറങ്ങുമെന്നും മോദി കൂട്ടിച്ചേര്‍ത്തിരുന്നു.
പ്രതികരിക്കാൻ ഇവിടെ എഴുതുക