പാലക്കാട്: അട്ടപ്പാടി പട്ടിമാളം ഊരിൽ ഭീതി വിതിച്ച് കാട്ടാനക്കൂട്ടം. ഇന്നലെ രാത്രിയിലാണ് ആറ് കാട്ടാനകൾ ഊരിനുള്ളിൽ എത്തിയത്. വീടുകൾക്കുള്ളിൽ വരെ കാട്ടാനക്കൂട്ടം കയറാൻ ശ്രമം നടത്തി. തലനാരിഴയ്ക്കാണ് ഊര് നിവാസികൾ കാട്ടാനയുടെ ആക്രമണത്തിൽ നിന്നും രക്ഷപ്പെട്ടത്.
അതേസമയം കുണ്ടള മൂന്നാർ എസ്റ്റേറ്റ് റോഡിലിറങ്ങിയ പടയപ്പയും ഭീതി പടർത്തിയിരുന്നു. പ്രദേശവാസികൾ ഓടിക്കാൻ ശ്രമിച്ചെങ്കിലും പടയപ്പ ജനവാസ മേഖലയിൽ തന്നെ തമ്പടിക്കുകയായിരുന്നു. നാട്ടുകാരിൽ ചിലർ പടയപ്പയെ പ്രകോപിക്കുന്നതിന്റെ ദൃശ്യങ്ങൾ പുറത്തു വന്നിരുന്നു. ബഹളം വെച്ചതോടെ ഇവർക്ക് നേരെ തിരിഞ്ഞിരുന്നു.
