ഓപ്പറേഷൻ അജയ്; നാലാം വിമാനം ഇന്ത്യയിലേക്ക്

ന്യൂഡൽഹി: ഓപ്പറേഷൻ അജയയുടെ ഭാഗമായി നാലാം വിമാനം ഇന്ത്യയിലേക്ക് പുറപ്പെട്ടു. 274 ഇന്ത്യൻ പൗരന്മാരുമായാണ് ഇസ്രയേലിൽ നിന്നും വിമാനം പുറപ്പെട്ടിരിക്കുന്നത്. വിദേശകാര്യമന്ത്രി എസ് ജയശങ്കറാണ് ഇക്കാര്യം എക്‌സിലൂടെ അറിയിച്ചത്.

ടെൽ അവീവ് വിമാനത്താവളത്തിൽ നിന്ന് ആണ് ഇന്ത്യയിലേക്ക് തിരിച്ചിരിക്കുന്നത്. സംഘത്തിൽ വിദ്യാർത്ഥികൾ ഉൾപ്പെടെയുണ്ട്. ഒരു ദിവസത്തിനിടെ പുറപ്പെടുന്ന രണ്ടാം വിമാനമാണിത്. ഇസ്രയേലിൽ നിന്ന് പുറപ്പെട്ട മൂന്നാമത്തെ വിമാനം ഡൽഹിയിലെത്തി. 18 മലയാളികൾ ഉൾപ്പെടെ 197-198 ഇന്ത്യക്കാരാണ് വിമാനത്തിൽ എത്തിയത്.

കഴിഞ്ഞ ദിവസം എത്തിയ വിമാനത്തിൽ 33 മലയാളികൾ രാജ്യതലസ്ഥാനത്ത് എത്തിയിരുന്നു.