മുഖ്യമന്ത്രിയുടെ വാഹനത്തിന് തടസ്സമുണ്ടാക്കി: കേള്‍വിപരിമിതിയും സംസാര ശേഷിയില്ലാത്ത അഞ്ച് വിദ്യാര്‍ത്ഥികളെ കസ്റ്റഡിയിലെടുത്തു

കൊല്ലം: മുഖ്യമന്ത്രിയുടെ വാഹനവ്യൂഹത്തിന് തടസ്സമുണ്ടാക്കിയെന്ന് ആരോപിച്ച് 5 വിദ്യാര്‍ത്ഥികളെ പൊലീസ് കസ്റ്റഡിയിലെടുത്തു. കേള്‍വിപരിമിതിയുള്ള സംസാര ശേഷിയില്ലാത്തവരാണ് അഞ്ച് പേരും. തിരുവനന്തപുരം ആക്കുളം നിഷിലെ വിദ്യാര്‍ഥികളാണ്.
ചടയമംഗലത്ത് വിദ്യാര്‍ത്ഥികള്‍ ഹോട്ടലില്‍ നിന്നും ഭക്ഷണം കഴിച്ച് വാഹനം എടുക്കുന്നതിനിടയിലാണ് മുഖ്യമന്ത്രിയുടെ വാഹനവ്യൂഹം എത്തിയത്.ഹോണടിച്ചിട്ടും മാറിയില്ലന്ന് ആരോപിച്ച് വിദ്യാര്‍ഥികളെ അറസ്റ്റ് ചെയ്യുകയായിരുന്നു.