കൊച്ചി: വിമാനത്തിൽ യുവ നടിയെ അപമാനിക്കാന് ശ്രമിച്ച കേസിലെ പ്രതിയുടെ അറസ്റ്റ് തടയണമെന്ന് ആവശ്യപ്പെട്ട് നല്കിയ ഹര്ജി കോടതി തള്ളി. തൃശൂര് സ്വദേശ് സി.ആര്. ആന്റോ നല്കിയ ഹര്ജി എറണാകുളം ജില്ലാ സെഷൻസ് കോടതിയാണ് തള്ളിയത്.
ആന്റോ ഒളിവിലാണ്. മുൻകൂർ ജാമ്യ ഹർജിയിൽ കോടതി ചൊവ്വാഴ്ച വാദം കേൾക്കും.വിമാനത്തിൽ സീറ്റിനെച്ചൊല്ലിയുള്ള തർക്കമായിരുന്നു പ്രശ്നമെന്നും അപമാനിച്ചിട്ടില്ലെന്നുമാണ് ആന്റോയുടെ വാദം. കേസിൽ പൊലീസിനോട് റിപ്പോർട്ട് നൽകാൻ കോടതി നിർദ്ദേശിച്ചിട്ടുണ്ട്.
നടിയുടെ ഇൻസ്റ്റാഗ്രാം പേജിലൂടെ ആണ് താരം തനിക്കുണ്ടായ ദുരനുഭവം വെളിപ്പെടുത്തിയത്. വിമാനയാത്രക്കിടെ പ്രതി സി ആർ ആന്റോ അപമാനിച്ചുവെന്ന് കാണിച്ച് യുവ നടി പൊലീസിനെ സമീപിച്ചു. വിമാനത്തിലെ ക്യാബിന് ക്രൂ അംഗങ്ങളോട് പരാതി പറഞ്ഞിട്ടും ഇടപെടല് ഉണ്ടാകാത്തതിനെ തുടര്ന്നാണ് പൊലീസില് പരാതി നല്കിയതെന്ന് യുവനടി പറയുന്നു. സംഭവത്തിൽ എയർ ഇന്ത്യയോട് പൊലീസ് റിപ്പോർട്ട് തേടിയിട്ടുണ്ട്.
