കളമശേരി: എലൂരില്‍ പോലീസ് ഉദ്യോഗസ്ഥനെ മുന്‍ എസ്ഐ കുത്തി പരിക്കേല്‍പ്പിച്ചു. എലൂര്‍ പോലീസ് സ്റ്റേഷനിലെ എഎസ്ഐ സുനില്‍കുമാര്‍ (52)നാണ് കുത്തേറ്റത്. സംഭവത്തില്‍ റിട്ട.ക്രൈംബ്രാഞ്ച് എസ്ഐ പോള്‍ പിടിയിലായി.
ഇരു കൈകള്‍ക്കും മുറിവേറ്റ സുനില്‍ കുമാറിനെ മഞ്ഞുമ്മലിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇടത് കൈയില്‍ ശസ്ത്രക്രിയ നടത്തുകയും ചെയ്തു. മഞ്ഞുമ്മലെ വീട്ടില്‍ മദ്യപിച്ച് ലക്കുകെട്ട് ഭാര്യയേയും മകളെയും മര്‍ദ്ദിച്ചതിനെ തുടര്‍ന്ന് വീട്ടുകാര്‍ ഫോണ്‍ ചെയ്ത് പോലീസിനെ അറിയിക്കുകയായിരുന്നു. അന്വേഷണത്തിനെത്തിയ പോലീസ് സംഘത്തിനു നേരെ പോള്‍ കത്തി വീശുകയായിരുന്നു.
സുനില്‍കുമാറിന്റെ കൂടെ ഉണ്ടായിരുന്ന പോലീസുകാര്‍ ഒഴിഞ്ഞു മാറിയതിനാല്‍ മുറിവേല്‍ക്കാതെ രക്ഷപ്പെട്ടു. പ്രതിയെ മെഡിക്കല്‍ പരിശോധനക്ക് വിധേയമാക്കി വധശ്രമത്തിന് കേസ് എടുത്തു.
പ്രതികരിക്കാൻ ഇവിടെ എഴുതുക: