തിരുവനന്തപുരം: കെഎസ്ആർടിസി ബസിൽ സഹയാത്രികയോട് ലൈഗികാതിക്രമം കാണിച്ചെന്ന പരാതിയിൽ ഹാസ്യനടൻ ബിനു ബി കമാൽ അറസ്റ്റിൽ. ഇന്നലെ വൈകിട്ട് അഞ്ച് മണിയോടെയായിരുന്നു സംഭവം. തിരുവനന്തപുരത്ത് നിന്നും നിലമേലിലേക്ക് യാത്ര ചെയ്യുകയായിരുന്ന യുവതിയോട് വട്ടപ്പാറ ഭാഗത്ത് എത്തിയപ്പോൾ തൊട്ടടുത്ത സീറ്റിൽ ഇരിക്കുകയായിരുന്ന പ്രതി മോശമായി പെരുമാറുകയായിരുന്നു.
ശല്യം സഹിക്കവയ്യാതെ യുവതി ബഹളം വെച്ചതിനെ തുടർന്ന് വട്ടപ്പാറ ജംഗ്ഷനിൽ ബസ് നിർത്തുകയായിരുന്നു. പിന്നാലെ പ്രതി ബസിൽ നിന്നും ഇറങ്ങി ഓടി.സംഭവസ്ഥലത്തെത്തിയ വട്ടപ്പാറ പോലീസും യാത്രക്കാരും പ്രദേശവാസികളും ചേർന്ന് പ്രതിയെ പിടികൂടുകയായിരുന്നു. ഇന്ന് ഇയാളെ കോടതിയിൽ ഹാജരാക്കും.
