തിരുവനന്തപുരം: ആരോഗ്യമന്ത്രി വീണജോര്‍ജിന്റെ ഓഫീസുമായി ബന്ധപ്പെട്ട് ഉയര്‍ന്ന നിയമന കോഴക്കേസില്‍ വഴിത്തിരിവ്. ആരോഗ്യമന്ത്രിയുടെ പി എ അഖില്‍ മാത്യുവിന് ഒരു ലക്ഷം രൂപ നല്‍കിയിട്ടില്ലെന്ന് കേസിലെ പരാതിക്കാരന്‍ മലപ്പുറം സ്വദേശി ഹരിദാസന്‍ പൊലീസിന് മൊഴി നല്‍കി.
മരുമകള്‍ക്ക് ആയുഷ് വകുപ്പില്‍ ജോലി ലഭിക്കാനായി സെക്രട്ടേറിയറ്റിന് സമീപം വച്ച് ഒരു ലക്ഷം രൂപ മന്ത്രിയുടെ പി.എ ക്ക് നല്‍കിയെന്നായിരുന്നു ഹരിദാസന്‍ ആദ്യം നല്‍കിയ പരാതി. പരസ്പര വിരുദ്ധ മൊഴികളാണ് ഹരിദാസന്‍ നല്‍കുന്നത്.
ഈ സാഹചര്യത്തില്‍ ഗൂഢാലോചന സംശയിക്കുകയാണ് പൊലീസ് . കന്റോണ്‍മെന്റ് പൊലീസിന്റെ ചോദ്യം ചെയ്യല്‍ തുടരുകയാണ്. പണം കൈമാറ്റമോ ആള്‍മാറാട്ടമോ നടന്നിട്ടില്ലെന്നും ഹരിദാസനെ കേസില്‍ പ്രതി ചേര്‍ക്കാനോ സാക്ഷിയാക്കാനോ സാധ്യതയുണ്ടെന്നും
പൊലീസ് പറഞ്ഞു.
പ്രതികരിക്കാൻ ഇവിടെ എഴുതുക: