ടെല് അവീവ്: ഇസ്രയേലിലെ റോക്കറ്റ് അക്രമണത്തില് മലയാളി നഴ്സിന് പരുക്ക്. കണ്ണൂര് പയ്യാവൂര് സ്വദേശി ഷീജ ആനന്ദിനാണ് പരുക്കേറ്റത്.
ഇസ്രായേല് സമയം ഇന്നലെ ഉച്ചക്ക് 12 മണിയോടെയാണ് ആക്രമണം ഉണ്ടായത്. സൗത്ത് ഇസ്രായേലിലെ അഷ്കിലോണില് ഏഴ് വര്ഷമായി കെയര് ടേക്കര്റായി ജോലി ചെയ്യുകയാണ് ഷീജ.
ഷീജയ്ക്ക് കാലിനാണ് പരിക്ക്. ഉടന് തന്നെ സമീപത്തുള്ള ബെര്സാലൈ ആശുപത്രിയിലേക്ക് മാറ്റി. പിന്നീട് ടെല് അവീവിലെ ആശുപത്രിയിലേക്ക് വിദഗ്ധ ചികിത്സക്കായി കൊണ്ടുപോയി. ഇവിടെ വെച്ചു യുവതിയുടെ ശസ്ത്രക്രിയ കഴിഞ്ഞതായാണ് ലഭിച്ചിരിക്കുന്ന വിവരം. പയ്യാവൂര് സ്വദേശി ആനന്ദനാണ് ഷീജയുടെ ഭര്ത്താവ്. ആവണി ആനന്ദ്, അനാമിക ആനന്ദ് എന്നിങ്ങനെ രണ്ട് മക്കളുണ്ട്.
