ബെംഗളൂരു: പായസക്കൂട്ടിന്റെ പായ്ക്കറ്റുകളില് സ്വര്ണം കടത്താന് ശ്രമിച്ച യുവാവ് പിടിയില്. മംഗളൂരു വിമാനത്താവളത്തിലാണ് യുവാവ് കസ്റ്റംസിന്റെ വലയിലായത്. സ്വര്ണം ചെറുതരികളാക്കി പായസക്കൂട്ടില് കടത്താനുള്ള ശ്രമത്തിനിടെയാണ് പിടിയിലായത്.
എയര് ഇന്ത്യ എക്സ്പ്രസ് വിമാനത്തില് ദുബായില് നിന്നെത്തിയ യാത്രക്കാരനാണ് സ്വര്ണം കടത്തിയത്. പായസക്കൂട്ടിന്റെ അഞ്ച് പാക്കറ്റുകളില് നിറച്ച 374 ഗ്രാം സ്വര്ണമാണ് യുവാവ് കടത്താന് ശ്രമിച്ചത്. സ്വര്ണത്തിന് 20 ലക്ഷം രൂപയോളം വിലവരുമെന്ന് കസ്റ്റംസ് അറിയിച്ചു.
