ലോകകപ്പ് ക്രിക്കറ്റിന് തുടക്കമായതോടെ ക്രിക്കറ്റ് ആരാധകർക്ക് കൂടുതൽ ഓഫറുകൾ പ്രഖ്യാപിച്ച് ജിയോ. ഉപയോക്താക്കൾക്ക് വേണ്ടി ഡിസ്‌നി+ഹോട്ട്‌സ്റ്റാർ ബണ്ടിൽഡ് പ്ലാനുകളാണ് ജിയോ അവതരിപ്പിച്ചിരിക്കുന്നത്. ഡാറ്റ, അൺലിമിറ്റഡ് വോയ്‌സ്, ഡിസ്‌നി+ ഹോട്ട്‌സ്റ്റാർ മൊബൈൽ സബസ്‌ക്രിപ്ഷൻ എന്നിവ ഉൾപ്പെടുന്ന പ്രതിമാസ, ത്രൈമാസ, വാർഷിക പ്രീപെയ്ഡ് പ്ലാനുകളാണ് ജിയോ അവസരിപ്പിച്ചിരിക്കുന്നത്.
328 രൂപയുടെ അടിസ്ഥാന പ്ലാനിൽ 28 ദിവസത്തേക്ക് പ്രതിദിനം 1.5 ജിബി ഹൈ സ്പീഡ് ഡാറ്റയും മൂന്ന് മാസത്തെ ഡിസ്‌നി+ ഹോട്ട്‌സ്റ്റാർ മൊബൈൽ സബ്‌സ്‌ക്രിപ്ഷനുമാണ് വാഗ്ദാനം ചെയ്യുന്നത്. 84 ദിവസത്തേക്കുള്ള പ്ലാനിൽ പ്രതിദിനം 1.5 ജിബി അതിവേഗ ഡാറ്റയും മൂന്ന് മാസത്തെ ഡിസ്‌നി+ഹോട്ട്‌സ്റ്റാർ മൊബൈൽ സബ്‌സ്‌ക്രിപ്ഷനുമുണ്ട്. 758 രൂപയുടെ പ്ലാൻ ആണിത്.
388, 808 എന്നിങ്ങനെയുള്ള പ്ലാനുകളിൽ യഥാക്രമം 28,84 ദിവസത്തേക്കാണ് ലഭ്യമാകുക. പ്രതിദിനം രണ്ട് ജിബി അതിവേഗ ഡാറ്റയാണ് വാഗ്ദാനം ചെയ്യുന്നത്. കൂടാതെ മൂന്ന് മാസത്തെ ഡിസ്‌നി+ഹോട്ട്‌സ്റ്റാർ മൊബൈൽ സബ്‌സ്‌ക്രിപ്ഷനും ലഭ്യമാകും.
New Offer
പ്രതികരിക്കാൻ ഇവിടെ എഴുതുക: