വാന്കൂവര്: കാനഡ പ്രധാനമന്ത്രിയെ ജസ്റ്റിന്ദര് ട്രൂഡോയെന്ന് വിളിച്ച് ഹോളിവുഡ് ഹാസ്യതാരം ആന്ഡ്രൂ ഷുല്റ്റ്സ്. ഖലിസ്ഥാന്വാദികളോടുള്ള ജസ്റ്റിന് ട്രൂഡോയുടെ അടിമത്തം തുറന്ന് കാണിച്ചുകൊണ്ടുള്ള ഈ പരിഹാസപ്പേര് വിളി സമുഹമാധ്യമങ്ങളില് വൈറലായി.
ടൊറന്റോയില് നടന്ന ഒരു പരിപാടിയിലായിരുന്നു ആന്ഡ്രു ഷുല്റ്റ്സിന്റെ ജസ്റ്റിന് ട്രൂഡോയ്ക്കെതിരായ പരിഹാസം. ഖലിസ്ഥാന് തീവ്രവാദി ഹര്ദീപ് സിങ്ങ് നിജ്ജര് കാനഡയില് വധിക്കപ്പെട്ട സംഭവത്തിന് പിന്നില് ഇന്ത്യയാണെന്നായിരുന്നു കാനഡ പ്രധാനമന്ത്രി ജസ്റ്റിന് ട്രൂഡോ കുറ്റപ്പെടുത്തിയത്.
ഇതിന്റെ പേരില് ഇരുരാജ്യങ്ങളും തമ്മിലുള്ള നയതന്ത്രബന്ധം വഷളായി ഇന്ത്യ ഇപ്പോള് കാനഡയുടെ 40 നയതന്ത്ര ഉദ്യോഗസ്ഥരോട് കൂടി ഇന്ത്യ വിടാന് ആവശ്യപ്പെട്ടിരിക്കുകയാണ്. എന്നാല് ഇക്കുറി ജസ്റ്റിന് ട്രൂഡോ ഉരുളയ്ക്കുപ്പേരി നല്കാതെ മൗനം പാലിക്കുകയായിരുന്നു. ആദ്യം ഇന്ത്യയെ കുറ്റപ്പെടുത്തിയിരുന്ന ജസ്റ്റിന് ട്രൂഡോ ഇപ്പോള് സംഭവം തണുപ്പിക്കാനുള്ള ശ്രമത്തിലാണെന്നറിയുന്നു.
