ഹാങ്ഷൗ: ഏഷ്യന് ഗെയിംസ് ബാഡ്മിന്റണ് പുരുഷ സിംഗിള്സില് മലയാളി താരം എച്ച് എസ് പ്രണോയി വെങ്കലം നേടി. സെമിയില് ചൈനയുടെ ലി ഷിഫെങ്ങിനോട് നേരിട്ടുള്ള ഗെയിമുകള്ക്കാണ് പരാജയപ്പെട്ടത് സ്കോര്(16-21, 9-21) .
41 വര്ഷത്തിന് ശേഷമാണ് ഇന്ത്യ ഏഷ്യന് ഗെയിംസ് പുരുഷ സിംഗിള്സില് മെഡല് നേടുന്നത്. നേരത്തേ 1982 ഏഷ്യന് ഗെയിംസില് സെയ്ദ് മോദിയാണ് ബാഡ്മിന്റണില് മെഡല് നേടിയ ഇന്ത്യന് താരം.
ഏഷ്യന് ഗെയിംസിന്റെ 13-ാം ദിനത്തില് ഇന്ത്യയുടെ രണ്ടാമത്തെ മെഡല് നേട്ടമാണിത്.നേരത്തെ അമ്പെയ്ത്തില് വനിതകളുടെ റിക്കര്വ് ഇനത്തില് ഇന്ത്യ വെങ്കലം നേടിയിരുന്നു.വിയറ്റ്നാമിനെ 6-2 നാണ് തകര്ത്തത്. അങ്കിത ഭഗത്, സിമ്രന്ജീത് കൗര്, ഭജന് കൗര് എന്നിവരാണ് ഇന്ത്യയ്ക്ക് വേണ്ടി മെഡല് നേടിയത്.
21 സ്വര്ണവും 32 വെള്ളിയും 35 വെങ്കലവുമായി മെഡല് പട്ടികയില് നാലാം സ്ഥാനത്താണ് ഇന്ത്യ. ഇന്ത്യയുടെ ആകെ മെഡല് നേട്ടം 88 ആയി.
