എറണാകുളം: യൂസ്ഡ് കാർ തട്ടിപ്പിൽ കേസ് എടുക്കാൻ തയാറാകാതിരുന്ന പാലാരിവട്ടം എസ്എച്ച്ഒ ജോസഫ് സാജന് സസ്‌പെൻഷൻ. അന്വേഷണ വിധേയമായാണ് സസ്‌പെൻഡ് ചെയ്തിരിക്കുന്നത്. കേസിലെ മുഖ്യ പ്രതിയുമായി പരിചയമുണ്ടായിരുന്നുവെന്നും ഇതേ തുടർന്നാണ് കേസ് എടുക്കാൻ തയാറാകാതിരുന്നതെന്നും കണ്ടെത്തുകയായിരുന്നു.
പാലാരിവട്ടം എസ് എച്ച് ഒ കേസ് എടുക്കാൻ തയാറാകാത്തതിനെ തുടർന്ന് പരാതിക്കാരൻ ഡിസിപിയെ സമീപിക്കുകയായിരുന്നു. ഡിസിപി പ്രത്യേക അന്വേഷണ സംഘത്തിന് രൂപം നൽകിയാണ് പ്രതികളെ പിടികൂടിയത്. പാലാരിവട്ടം ആലിൻചുവട്ടിലെ യൂസ്ഡ് കാർ ഷോറൂമിന്റെ മറവിലാണ് തട്ടിപ്പ് നടത്തിയിരുന്നത്.
തിരുവനന്തപുരം സ്വദേശി എസ്എസ് അമലിന്റെ ഉടമസ്ഥതയിലായിരുന്നു ഷോറൂം. വിറ്റ് നൽകാമെന്ന ഉറപ്പിന്മേൽ കൈക്കലാക്കിയ കാറുകൾ മറിച്ചു വിറ്റ് ഉടമകളെ പറ്റിക്കുന്നതായിരുന്നു ഇവരുടെ പീതി.
പ്രതികരിക്കാൻ ഇവിടെ എഴുതുക: