അഹമ്മദാബാദ്: ഏകദിന ലോകകപ്പിലെ ഉദ്ഘാടന മത്സരത്തില്‍ ടോസ് നഷ്ടപ്പെട്ട് ആദ്യം ബാറ്റിറങ്ങിയ ഇംഗ്ലണ്ടിന് 282 റണ്‍സ്. ജോ റൂട്ട് 77 റണ്‍സെടുത്തു. ജോസ് ബട്‌ലര്‍(43), ജോണി ബൈര്‍‌സ്റ്റോ(33), ഹാരി ബ്രൂക്ക്(25) എന്നിവരും ഇംഗ്ലണ്ടിനായി മെച്ചപ്പെട്ട ബാറ്റിംഗ് കാഴ്ചവച്ചു.
ന്യൂസിലാണ്ടിനായി മാറ്റ് ഹെന്റി മൂന്ന് വിക്കറ്റ് നേടി. മിച്ചല്‍ സാന്റനറും ഗ്ലെന്‍ ഫിലിപ്‌സും രണ്ട് വിക്കറ്റ് വീതം നേടി. മറ്റു ബൗളര്‍മാരും നിര്‍ണായക സംഭാവനയാണ് നല്‍കിയത്.
വാലറ്റക്കാരും നന്നായി കളിച്ചതാണ് ഇംഗ്ലണ്ടിനെ മികച്ച സ്‌കോറിലേക്ക് എത്തിച്ചത്. പത്താം വിക്കറ്റില്‍ ആദില്‍ റഷീദ് മാര്‍ക്ക് വുഡ് കൂട്ടുകെട്ട് 26 പന്തില്‍ 30 റണ്‍സെടുത്തു. ഇംഗ്ലണ്ട് ഇന്നിംഗ്‌സ് 282/9 എന്ന സ്‌കോറില്‍ അവസാനിച്ചു. വുഡ് 13 റണ്‍സും റഷീദ് 15 റണ്‍സുമെടുത്ത് പുറത്താകാതെ നിന്നു. സാം കറന്‍ 14 റണ്‍സെടുത്തു.
പ്രതികരിക്കാൻ ഇവിടെ എഴുതുക: