ന്യൂദല്ഹി: ആരാധകര് ഏറെ ആകാംക്ഷയോടെ കാത്തിരിക്കുന്ന മോഹന്ലാല്-പൃഥ്വിരാജ് ‘എമ്പുരാന്’ സിനിമയുടെ ചിത്രീകരണം ഡല്ഹിയില് ആരംഭിച്ചു. ഫേസ്ബുക്കിലൂടെ മോഹന്ലാല് ആണ് ഇക്കാര്യം അറിയിച്ചിരിക്കുന്നത്. വിജയം നേടിയ ലൂസിഫറിന്റെ രണ്ടാം ഭാഗമാണ് പൃഥ്വിരാജ് സംവിധാനം ചെയ്യുന്ന എമ്പുരാന്. മുരളി ഗോപി ആണ് രചന.മഞ്ജു വാര്യര്, ടൊവിനോ തോമസ് തുടങ്ങി വന് താരനിരതന്നെ ചിത്രത്തില് അണിനിരക്കുന്നുണ്ട്.
ആശിര്വാദ് സിനിമാസിന്റെ ബാനറില് ഒരുങ്ങുന്ന എമ്പുരാനില് തമിഴിലെ പ്രശസ്ത നിര്മ്മാണ കമ്പനിയായ ലൈക്ക പ്രൊഡക്ഷന്സ് നിര്മ്മാണ പങ്കാളിയാണ്. ചിത്രം മലയാളം, തമിഴ്, തെലുങ്ക്, കന്നട, ഹിന്ദി ഭാഷകളില് എത്തും
.മോഹന്ലാല്, പൃഥ്വിരാജ്, മുരളി ഗോപി, ആന്റണി പെരുമ്പാവൂര്, സുപ്രിയ മേനോന് അടക്കമുള്ളവര് വിളക്കിന് തിരികൊളുത്തുന്ന ചിത്രങ്ങളാണ് മോഹന്ലാല് പങ്കുവച്ചിരിക്കുന്നത്. ലൂസിഫറില് റോബ് എന്ന വേഷത്തിലെത്തിയ അലക്സ് ഒ നെല്ലും പൂജയ്ക്കെത്തിയിരുന്നു.
ന്യൂദല്ഹിയിലെ ചിത്രീകരണത്തിന് ഇതിന് ശേഷം സിംല, ലഡാക്ക് എന്നിവിടങ്ങളാണ് ചിത്രീകരണം.. വിദേശ രാജ്യങ്ങളിലും സിനിമയുടെ ചിത്രീകരണമുണ്ടാകും.
