തിരുവനന്തപുരം: സംസ്ഥാനത്ത് മഴ കൂടുതൽ ദുർബലമാകുന്നു. ഞായറാഴ്ച വരെയും വരണ്ട അന്തരീക്ഷ സ്ഥിതിയുണ്ടാകും. സംസ്ഥാനത്തുടനീളം അങ്ങിങ്ങായി ഇടത്തരം മഴയ്ക്കാകും സാദ്ധ്യത. തുലാവർഷാരംഭത്തിന് മുന്നോടിയായി തിങ്കളാഴ്ച മുതൽ വടക്കൻ കേരളത്തിലും മലയോര മേഖലകളിലും ഇടിമിന്നലോട് കൂടിയ മഴ ആരംഭിക്കാൻ സാദ്ധ്യതയുണ്ട്.
കേരളാ തീരത്ത് ഉയർന്ന തിരമാലയ്ക്കും കടലാക്രമണത്തിനും സാദ്ധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്നും നിർദ്ദേശമുണ്ട്. ശക്തമായ കാറ്റിനും മോശം കാലാവസ്ഥയ്ക്കും സാദ്ധ്യതയുള്ളതിനാൽ കേരള, ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്ക് ഏർപ്പെടുത്തിയിട്ടുണ്ട്.
