ഹാങ്ചൊ: വനിതാ ബോക്സിങ്ങില് ഭാരതത്തിന്റെ ലൗലീന ബോര്ഗോഹെയ്ന് ഫൈനലില് പരാജയപ്പെട്ടു. തോല്വിയെ തുടര്ന്ന് താരം വെള്ളി നേട്ടവുമായി ഹാങ്ചോ ഏഷ്യന് ഗെയിംസ് റിങ്ങില് നിന്നിറങ്ങി.
75 കിലോ വനിതാ വിഭാഗത്തില് ചൈനയുടെ ലി ഖിയാന് ആയിരുന്നു ഫൈനലില് ലൗലീനയുടെ എതിരാളി. ലി ഖിയാന് ലൗലീനയെ 5-0നാണ് പരാജയപ്പെടുത്തിയത്.
കളിയിലുടനീളം ചൈനീസ് താരത്തിന്റെ ആധിപത്യമാണ് കണ്ടത്. ആദ്യ രണ്ട് റൗണ്ടും പിടിച്ചെടുത്ത ചൈനക്കാരി മൂന്നാം റൗണ്ടില് ലൗലീനയെ വലിയ രീതിയില് സമ്മര്ദ്ദത്തിലാക്കി. ഒടുവില് മൂന്നാം ഗെയിമും കൈവിട്ട് മത്സരം അടയറവയ്ക്കുകയായിരുന്നു.
വനിതകളുടെ 57 കി.ഗ്രാം വിഭാഗത്തില് പര്വീണ് ഹൂഡയ്ക്കും വെങ്കലം കൊണ്ട് തൃപ്തിപ്പെടേണ്ടി വന്നു. സെമിയില് ചൈനീസ് തായ്പേയ് താരം ടിങ് യു ലിന്നിനോട് പര്വീണ് പരാജയപ്പെടുകയായിരുന്നു.
