തിരുവനന്തപുരം: സ്വാമി സത്യാനന്ദ സരസ്വതിയുടെ 88ാം ജയന്തി ആഘോഷങ്ങളുടെ ഭാഗമായി വിശ്വശാന്തി സമ്മേളനം ഈ മാസം ഏഴിന് ചേങ്കോട്ടുകോണം ശ്രീരാമദാസ ആശ്രമത്തില്‍.
വൈകുന്നേരം അഞ്ചിന് വിശ്വശാന്തി സമ്മേളനത്തിന്റെ ഉദ്ഘാടനം കേരള ഹൈക്കോടതി മുന്‍ ജസ്റ്റിസും തൃശ്ശൂര്‍ യുഇസി കേരള യൂണിവേഴ്‌സിറ്റി ഓഫ് ഹെല്‍ത്ത് സയന്‍സസ് ചെയര്‍മാനുമായ എം.ആര്‍.ഹരിഹരന്‍ നായര്‍ നിര്‍വഹിക്കും. ശ്രീരാമദാസ മിഷന്‍ അധ്യക്ഷന്‍ സ്വാമി ബ്രഹ്മപാദാനന്ദ സരസ്വതി അധ്യക്ഷത വഹിക്കുന്ന സമ്മേളനത്തില്‍ കേരള സര്‍വകലാശാല സെന്റര്‍ ഫോര്‍ വേദാന്ത സ്റ്റഡീസ് ഡയറക്ടര്‍ ഡോ.സി.എന്‍. വിജയകുമാരി പ്രഭാഷണം നടത്തും.
ഡോ.പൂജപ്പുര കൃഷ്ണന്‍ നായര്‍, അഡ്വ.കുമാരപുരം മോഹന്‍ കുമാര്‍, എസ്ആര്‍ഡിഎം യു.എസ്. അധ്യക്ഷന്‍ എസ്.കിഷോര്‍ കുമാര്‍ തുടങ്ങിയവര്‍ സംസാരിക്കും. എട്ടിന് പുലര്‍ച്ചെ 3.30ന് സ്വാമി ബ്രഹ്മപാദാനന്ദ സരസ്വതിയുടെ മുഖ്യകാര്‍മികത്വത്തില്‍ നടക്കുന്ന ശ്രീരാമപട്ടാഭിഷേകത്തോടെ വിശ്വശാന്തി പഞ്ചദശാഹയജ്ഞം സമാപിക്കും.
