കുവൈറ്റ് സിറ്റി: മതിയായ രേഖകളില്ലാത്തതിനെ തുടര്‍ന്ന് കുവൈറ്റില്‍ തടവിലായിരുന്ന മലയാളികള്‍ ഉള്‍പ്പെടെയുളള നഴ്‌സുമാര്‍ക്ക് മോചനം. 19 മലയാളികള്‍ ഉള്‍പ്പെടെ 60 നഴ്സുമാരെയാണ് മോചിപ്പിച്ചത്.കുവൈറ്റ് ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് തലാല്‍ അല്‍ ഖാലിദ് അല്‍ സബാഹ് ഇടപെട്ടാണ് നഴ്‌സുമാരെ മോചിപ്പിച്ചത്.
മാലിയ മേഖലയിലെ സ്വകാര്യ ആശുപത്രിയില്‍ കുവൈറ്റ് മാനവശേഷി സമിതി നടത്തിയ പരിശോധനയിലാണ് താമസനിയമം ലംഘിച്ചു ജോലി ചെയ്‌തെന്ന കുറ്റത്തിന് 30ഇന്ത്യക്കാര്‍ ഉള്‍പ്പെടെ 60 പേര്‍ പിടിയിലായത്. ഓഗസ്റ്റ് മാസത്തിലായിരുന്നു സംഭവം.
ലൈസന്‍സ് ഇല്ലാത്തവരും ആവശ്യമായ യോഗ്യത ഇല്ലാത്തവരുമാണ് അറസ്റ്റിലായതെന്നാണു കുവൈറ്റ് ആഭ്യന്തര മന്ത്രാലയം വെളിപ്പെടുത്തിയത്.
ഇറാന്‍ സ്വദേശിയാണ് ആശുപത്രി ഉടമസ്ഥന്‍.
ഇന്ത്യയ്‌ക്കു പുറമേ ഫിലിപ്പീന്‍സ്, ഈജിപ്ത്, ഇറാന്‍ എന്നീ രാജ്യങ്ങളില്‍ നിന്നുള്ളവരാണു പിടിക്കപ്പെട്ടത്. പിടിയിലായ അഞ്ച് മലയാളി നഴ്‌സുമാര്‍ മുലയൂട്ടുന്ന അമ്മമാരായിരുന്നു.കേന്ദ്ര സഹമന്ത്രി വി. മുരളീധരന്‍ ഇടപെട്ട് ജയിലില്‍ കുഞ്ഞുങ്ങള്‍ക്കു മുലയൂട്ടാന്‍ അവസരം ഒരുക്കിയിരുന്നു.
പ്രതികരിക്കാൻ ഇവിടെ എഴുതുക: