കൊച്ചി: ബിജെപിയുടെ നേതത്വത്തില് നടക്കുന്ന ജന്മഭൂമി വാര്ഷിക വരിസംഖ്യ പ്രചാരണം ജനങ്ങള് ഇരുകൈകളും നീട്ടി സ്വീകരിക്കുന്നു. ജില്ലയുടെ എല്ലാ ഭാഗത്തും ബിജെപി പ്രവര്ത്തകര് നേരിട്ട് ഇറങ്ങിയാണ് വാര്ഷിക വരിസംഖ്യ പ്രവര്ത്തനത്തില് പങ്കാളികളായത്.
ജില്ലാ അടിസ്ഥാനത്തിലുള്ള മെഗാ കാമ്പയിന് ഗാന്ധിജയന്തി ദിനത്തില് കൊച്ചി ബിജെപി ഓഫീസില്നിന്നു തുടക്കമായി. ബിജെപി സംസ്ഥാന വൈസ് പ്രസിഡന്റ് കെ.എസ് രാധാകൃഷ്ണന് നേതൃത്വം നല്കി. നിരവധി പ്രവര്ത്തകര് പ്രചാരണത്തിന്റെ ഭാഗമായി.മുതിര്ന്നവരും കുട്ടികളും ഒരുപോലെ ആവേശത്തോടെ പ്രചാരണത്തിന്റെ ഭാഗമായി.
ബിജെപി ജില്ലാ ജനറല് സെക്രട്ടറി എസ്. സജി, മഹിള മോര്ച്ച ജില്ലാ പ്രസിഡന്റ് ലേഖ നായ്ക്ക്, ഇന്ഡസ്ട്രിയല് സെല് സംസ്ഥാന കണ്വീനര് അനൂപ് എ, എറണാകുളം സൗത്ത് മണ്ഡലം കണ്വീനര് പി.പി. ശശികുമാര് മേനോന്, യുവമോര്ച്ച ജില്ല പ്രസിഡന്റ് വൈശാഖ് രവീന്ദ്രന്, ജനറല് സെക്രട്ടറി കാര്ത്തിക് പാറയില് തുടങ്ങിയവരും വിവിധ മോര്ച്ച ഭാരവാഹികളും പ്രചാരണത്തില് പങ്കെടുത്തു.
