കൊച്ചി : ജ്യോത്സ്യനെ മയക്കി കിടത്തിയ ശേഷം 12.5 പവന് സ്വര്ണവും പണവും കവര്ന്ന യുവതി പിടിയില്. ഇടപ്പളളിയിലാണ് സംഭവം.
തൃശൂര് മണ്ണുത്തി സ്വദേശി അന്സിയാണ് പിടിയിലായത്.
സാമൂഹ്യ മാധ്യമത്തിലൂടെ പരിചയപ്പെട്ട ജ്യോത്സ്യനെ പ്രശ്നം വച്ച് നോക്കണമെന്ന് പറഞ്ഞ് പറഞ്ഞ് ഇടപ്പള്ളിയിലെ ലോഡ്ജിലേക്ക് വിളിച്ചു വരുത്തുകയായിരുന്നു. കഴിഞ്ഞമാസം 26നായിരുന്നു സംഭവം.
പൂജ, ദോഷം മാറാനുള്ള മാര്ഗങ്ങള് എന്നിവ സംബന്ധിച്ച് ചോദിച്ചറിഞ്ഞ് ജ്യോത്സ്യനുമായി അടുത്ത സൗഹൃദം സ്ഥാപിച്ചു. തുടര്ന്ന് യുവതി ആവശ്യപ്പെട്ട പ്രകാരം ഇയാള് കൊച്ചിയിലെത്തി.
തുടര്ന്ന് ഇടപ്പള്ളിയിലെത്തി ഭാര്യാഭര്ത്താക്കന്മാരാണെന്ന വ്യാജേന ഹോട്ടലില് മുറിയെടുത്തു. മുറിക്കുളളില് വച്ച് യുവതി ജ്യോത്സ്യന് പായസം നല്കിയെങ്കിലും കഴിച്ചില്ല. പിന്നീട് ശീതളപാനീയത്തില് ലഹരിമരുന്ന് കലര്ത്തി നല്കി. ഇതോടെ മയക്കത്തിലായ ജ്യോത്സ്യന്റെ ആഭരണങ്ങളും പണവുമായി മുങ്ങുകയായിരുന്നു.
