ന്യൂദല്ഹി: ചൈനയ്ക്കു വേണ്ടി ചാരവൃത്തി നടത്തിയവരെ പിടിക്കാന് പോലീസ് സിപിഎം ജനറല് സെക്രട്ടറി സീതാറാം യച്ചൂരി. വസതിയില് റെയ്ഡ് നടത്തിയത് വലിയ വാര്ത്ത ഒന്നുമില്ല. കാരണം അങ്ങനെ ഒരു കേസ് ഉണ്ടായാല് തെളിവു തേടി ആദ്യം ചെല്ലേണ്ട സ്ഥലവും അതുതന്നെയാണ്. അതിനാല് ഇപ്പോഴത്തേത് സ്വാഭാവിക നടപടി മാത്രം.
ചൈനയ്ക്കെതിരെ സിപിഎം നടത്തുന്നത് ചാര പ്രവര്ത്തി എന്നു പറയേണ്ടതില്ല. രഹസ്യമായി ചെന്നുന്നതാണ് ചാരവൃത്തി. ഇവിടെ ചൈനയ്ക്കായുളള കുഴല് ഊത്ത് പരസ്യമായിട്ടാണ്. ചൈനയെ ഭാരതം വളഞ്ഞിട്ട ആക്രമിക്കുന്നു എന്നതു പറയാന് എസ് രാമചന്ദ്രന് പിള്ളയും പിണറായി വിജയനും കോടിയേരി ബാലകൃഷ്ണനും കാണിച്ച അവേശം കണ്ടതാണ്. യുദ്ധ സമയത്ത് ‘ചൈന അവരുടേതെന്നും നമ്മള് നമ്മുടേതെന്നും പറയുന്ന ഭൂമി’ എന്നു പ്രഖ്യാപിച്ച് ഇഎംഎസിനേയും മറക്കാറായിട്ടില്ല.
ചൈനക്ക് അനുകൂലമായി വാര്ത്ത പ്രചരിപ്പിക്കുന്നുണ്ട് എന്ന് സംശയിക്കപ്പെടുന്നവരുടെ പട്ടികയില് പ്രകാശ് കാരാട്ടിന്റെ പേരും ഉണ്ട്. മാര്ക്സിസ്റ്റു പാര്ട്ടി ചൈനയ്ക്കു വേണ്ടി ചാരവൃത്തി നടത്തുന്നത് പുതിയ കാര്യമല്ല. ഭാരതത്തിനു അനുകൂലമായി ഒന്നും ചെയ്യില്ല എന്ന് മാത്രമല്ല കഴിയുന്നത്ര ഭാരതത്തെ താറടിച്ചു കാണിക്കാന് എന്തും ചെയ്യും എന്ന ഒരു ശാഠ്യത്തില് മാത്രമേ പാര്ട്ടിക്ക് നിര്ബന്ധമുള്ളൂ. വിദേശ രാജ്യത്തിനു വേണ്ടി ചാരവൃത്തി നടത്തുന്നതില് പാര്ട്ടിക്ക് സന്തോഷമേയുള്ളൂ. ആദ്യം സോവിയറ്റ് യൂണിയന് വേണ്ടിയായിരുന്നു സി പി എം വീടുവേല ചെയ്തുകൊണ്ടിരുന്നത്. 1942ല് സോവിയറ്റ് യൂണിയനു വേണ്ടി കമ്മ്യൂണിസ്റ്റുകാര് കഠിനമായി പണിയെടുത്തു.
1962ലും 1967ലും ഭാരതവും ചൈനയുമായി യുദ്ധം നടന്നുകൊണ്ടിരിക്കുമ്പോള് ചൈനയ്ക്കുവേണ്ടിയായിരുന്നു മാര്ക്സിസ്റ്റുകാര് ചാരവൃത്തി നടത്തിയത്. അന്നും ചൈനയില് നിന്നും പണം പറ്റിയായിരുന്നു രാജ്യദ്രോഹം നടത്തിയത്. പുതിയ സഹചര്യത്തില് ചൈനയ്ക്കുവേണ്ടി പടപൊരുതാന് ഒരു ശക്തിയെ ഭാരതത്തില് തന്നെ അവര് മാര്ക്സിസ്റ്റു പാര്ട്ടിയില് കണ്ടെത്തി. മാര്ക്സിസ്റ്റ് പാര്ട്ടി അതില് അതീവ സന്തുഷ്ടരുമാണ്.
ചാരവൃത്തി നിയമ വിരുദ്ധമായ കുറ്റകൃത്യമാണ്. അത് വാര്ത്താമാധ്യമം ചെയ്താലും കമ്മ്യൂണിസ്റ്റുകാര് ചെയ്താലും ബുദ്ധിജീവികള് ചെയ്താലും കുറ്റകൃത്യം തന്നെയാണ്. അവരെ രാജ്യദ്രോഹികളായി കരുതി അവര്ക്കു എതിരെ നടപടി സ്വീകരിക്കണം. അതാണ് നിയമ വാഴ്ച അനുശാസിക്കുന്നത്.
