കൊച്ചി: സഹകരണബാങ്ക് അഴിമതിയുമായി ബന്ധപ്പെട്ട് ഇഡി അറസ്റ്റിലായ സി.പി.എം നേതാവ് പി.ആർ.അരവിന്ദാക്ഷനെ പരിഹസിച്ച് നടന് ജോയ് മാത്യു. അമ്മയുടെ അക്കൗണ്ടില് അരവിന്ദാക്ഷന് 63.56 ലക്ഷം നിക്ഷേപിച്ചിരുന്നു എന്ന വാര്ത്ത പുറത്ത് വന്നിരുന്നു. ഇതിന് പിന്നാലെയാണ് ജോയ് മാത്യു അരവിന്ദാക്ഷനെതിരെ പരിഹാസം ചൊരിഞ്ഞ് രംഗത്തെത്തിയത്.
ഇതാണ് യഥാര്ത്ഥ കമ്യൂണിസമാണെന്നാണ് നടൻ ജോയ് മാത്യൂവിന്റെ പരിഹാസം. ‘ പെറ്റതള്ളയ്ക്ക് തൊണ്ണൂറാം വയസിൽ 60 ലക്ഷം ഡെപ്പോസിറ്റിട്ട് നൽകുന്ന മകൻ , കമ്യൂണിസം ഡാ ‘ എന്നാണ് ജോയ് മാത്യൂ സമൂഹമാധ്യമമായ എക്സില് കുറിച്ചത്.
കുറിപ്പിന് താഴെ പലരും അതാണ് ഒരു മകന്റെ സ്നേഹമെന്നും , അത്രയും കരുതലാണ് ആ മകനുള്ളതെന്നുമൊക്കെ പരിഹസിക്കുന്നുണ്ട് .പെരിങ്ങടൂർ സഹകരണബാങ്കിൽ അരവിന്ദാക്ഷന്റെ അമ്മ ചന്ദ്രമതിയുടെ പേരിലുള്ള അക്കൗണ്ടിൽ 63,56,460 രൂപയുടെ നിക്ഷേപമുണ്ട്. കാർഷികപെൻഷനായി പ്രതിമാസം ലഭിക്കുന്ന 1600 രൂപ മാത്രമാണ് അമ്മയുടെ വരുമാനമാർഗം. മകൻ എന്നപേരിൽ ശ്രീജിത്ത് എന്നയാളെയാണ് അവകാശിയായി ചേർത്തിരിക്കുന്നത്. അഴിമതിയിലൂടെ തിരിമറി നടത്തി നേടിയ തുകയാണ് അമ്മയുടെ അക്കൗണ്ടില് അരവിന്ദാക്ഷന് നിക്ഷേപിച്ചതെന്നാണ് ആരോപണം.
