ബിഹാറില്‍ ജാതി സെന്‍സസ് വിവരങ്ങള്‍ പുറത്തുവന്നു

ന്യൂദല്‍ഹി: ബിഹാറില്‍ സര്‍ക്കാര്‍ നടത്തിയ ജാതി സെന്‍സസ് വിവരങ്ങള്‍ പുറത്തുവന്നു. സംസ്ഥാന ജനസംഖ്യയുടെ 36 ശതമാനവും അതി പിന്നാക്ക വിഭാഗങ്ങളില്‍ ഉളളവരാണ്.

പിന്നാക്ക വിഭാഗത്തില്‍ നിന്നുള്ളവര്‍ 27.12 ശതമാനവും 19.7 ശതമാനം പട്ടികജാതി വിഭാഗത്തില്‍പ്പെടുന്നവരും 1.68 ശതമാനം പട്ടികവര്‍ഗക്കാരുമാണെന്ന് സെന്‍സസ് റിപ്പോര്‍ട്ടില്‍ പറയുന്നു. മുന്നാക്ക വിഭാഗക്കാര്‍ 15.52 ശതമാനമാണ്.

സംസ്ഥാനത്തെ ആകെ ജനസംഖ്യ 13കോടിയിലേറെയാണ്.അതിപിന്നാക്ക-പിന്നാക്ക വിഭാഗങ്ങള്‍ ഒബിസി വിഭാഗത്തില്‍ ആണ് ഉള്‍പ്പെടുന്നത്.

അങ്ങനെ നോക്കുമ്പോള്‍ സംസ്ഥാന ജനസംഖ്യയുടെ 63.12 ശതമാനവും ഒബിസി വിഭാഗമാണ്. ഇതില്‍ തന്നെ യാദവര്‍ 14.27 ശതമാനമാണ്. ഉപമുഖ്യമന്ത്രി തേജസ്വി യാദവ് ഈ വിഭാഗത്തില്‍ പെടുന്നു.

ഭൂമിഹാര്‍ 2.86 ശതമാനം, ബ്രാഹ്മണര്‍ 3.66 ശതമാനം, മുശാഹര്‍ 3 ശതമാനം. യാദവര്‍ 14 ശതമാനം എന്നിങ്ങനെയാണ് സെന്‍സെസ് പ്രകാരം കണക്ക്. മുസ്ലിം 17.70 ശതമാനം, ക്രിസ്ത്യന്‍-.0576, സിഖ് 0.0113, ബുദ്ധമതം 0.0851 ശതമാനം, ജൈനമതം 0.0096 ശതമാനം എന്നിങ്ങനെയാണ് ബാക്കി സമുദായക്കാരുടെ കണക്ക്. ഹിന്ദുസമൂഹം മൊത്തമായി 81.9986 ശതമാനമാണ്.