കോട്ടയം: ഏഴുമാസം പ്രായമുള്ള കുഞ്ഞിന്റെ ശ്വാസകോശത്തില്‍ കുടുങ്ങിയ എല്‍ഇഡി ബള്‍ബ് നീക്കം ചയ്തു. നിലയ്‌ക്കാത്ത ചുമയും ശ്വാസ തടസവും അനുഭവപ്പെട്ടതിനെ തുടര്‍ന്ന്് കുഞ്ഞുമായി മാതാപിതാക്കള്‍ കോട്ടയത്തെ സ്വകാര്യ ആശുപത്രിയില്‍ എത്തിയത്. തുടര്‍ന്ന് നടത്തിയ പരിശോധനയില്‍ ശ്വാസകോശത്തിന്റെ താഴ്ഭാഗത്തായി എന്തോ വസ്തു കിടക്കുന്നത് കണ്ടെത്തിയത്.
തുടര്‍ന്ന് വിദഗ്ധ ചികിത്സയ്‌ക്കായി എറണാകുളം അമൃത ആശുപത്രിയില്‍ കൊണ്ടുപോയി. അവിടെ നടത്തിയ ബ്രോങ്കോസ്‌കോപി പരിശോധനയിലാണ് വലത്തെ ശ്വാസകോശത്തിനുള്ളില്‍ ചുവന്ന നിറത്തിലുള്ള എല്‍ഇഡി ബള്‍ബ് കണ്ടെത്തുകയും ശസ്ത്രക്രിയയിലൂടെ ഡോക്ടര്‍മാര്‍ ഇത് നീക്കം ചെയ്യുകയുമായിരുന്നു.
കളിപ്പാട്ടത്തിന്റെയുള്ളില്‍ നിന്നും ബള്‍ബ് കുഞ്ഞിന്റെയുള്ളിലെത്തിയതാവാമെന്നാണ് ഡോക്ടര്‍മാരുടെ നിഗമനം.
പ്രതികരിക്കാൻ ഇവിടെ എഴുതുക