ആലപ്പുഴ:ആറന്മുള ക്ഷേത്രത്തില്‍ വള്ളസദ്യക്കിടെ മാല പൊട്ടിച്ച മൂന്ന് സ്ത്രീകള്‍ പിടിയില്‍.വള്ളസദ്യയില്‍ പങ്കെടുക്കാനെത്തിയ സ്ത്രീയുടെ മാല പൊട്ടിച്ചോടവെയാണ് മൂന്നംഗസംഘം പിടിയിലായത്.
പിടിയിലായ സ്ത്രീകള്‍ തമിഴ്‌നാട് സ്വദേശികളാണ്. മാല മോഷ്ടിച്ച് കടക്കവെ ഓട്ടോ ഡ്രൈവറാണ് ഇവരെ പിടികൂടിയത്.
സ്ത്രീയുടെ മാല പൊട്ടിച്ച് ഒപ്പമുണ്ടായിരുന്ന മറ്റൊരു സ്ത്രീയ്‌ക്ക് കൈമാറിയ ശേഷം ഓടി രക്ഷപ്പെടുകയായിരുന്നു. നാട്ടുകാര്‍ വിളിച്ചറിയിച്ചതോടെ ഒരു ഓട്ടോ ഡ്രൈവര്‍ ഇവരെ പിന്തുടര്‍ന്ന് പിടികൂടുകയായിരുന്നു. പൊട്ടിച്ചെടുത്ത മാല ഇവരില്‍ നിന്ന് കണ്ടെടുത്തു. മോഷ്ടാക്കളെ പൊലീസിന് കൈമാറി.
പ്രതികരിക്കാൻ ഇവിടെ എഴുതുക: