ഗയ (ബീഹാര്): ബീഹാറിലെ ഗയയില് വിദ്യാര്ഥിനിയെ പീഡിപ്പിച്ചെന്ന പരാതിയില് സ്കൂള് അധ്യാപകനെ പോലീസ് അറസ്റ്റ് ചെയ്തു. സബ് ഡിവിഷണല് പോലീസ് ഓഫീസര് ഗുല്ഷന് കുമാര് പറയുന്നതനുസരിച്ച്, പ്രതിയെ സുഭാഷ് മാഞ്ചി എന്ന് തിരിച്ചറിഞ്ഞിട്ടുണ്ട്.
പ്രായപൂര്ത്തിയാകാത്ത പെണ്കുട്ടിയുടെ അമ്മാവന് ഗയയിലെ പരയ്യ പോലീസ് സ്റ്റേഷനില് എഫ്ഐആര് രജിസ്റ്റര് ചെയ്തതോടെയാണ് സപ്തംബര് 30ന് നടന്ന പീഡന സംഭവം പുറത്തറിഞ്ഞത്.
പറയ്യ പോലീസ് സ്റ്റേഷന് പരിധിയിലാണ് സംഭവം. ഉച്ചഭക്ഷണത്തിനിടെ സ്കൂള് അധ്യാപകന് പ്രായപൂര്ത്തിയാകാത്ത പെണ്കുട്ടിയെ സ്കൂളിന്റെ ടെറസ്സിലേക്ക് കൂട്ടിക്കൊണ്ടുപോയി പീഡിപ്പിക്കുകയായിരുന്നു എന്നാണ് റിപ്പോര്ട്ട്. അധ്യാപകനില് നിന്ന് രക്ഷപ്പെട്ട വിദ്യാര്ത്ഥി തന്റെ ക്ലാസ് മുറിയിലേക്ക് ഓടിയെന്നും ഉദ്യോഗസ്ഥര് പറഞ്ഞു.
ഇരയുടെ അമ്മാവനാണ് എഫ്ഐആര് ഫയല് ചെയ്തു. തുടര്ന്ന് പോലീസ് ഉടന് നടപടിയെടുക്കുകയും കുറ്റാരോപിതനായ അധ്യാപകനെ അറസ്റ്റ് ചെയ്യുകയും ചെയ്തു. പ്രതിക്കെതിരെ പോക്സോ നിയമപ്രകാരം കേസെടുത്തതായി പോലീസ് പറഞ്ഞു.
നേരത്തെ സപ്തംബര് 29ന് ബീഹാറിലെ സഹര്സയിലേക്കുള്ള യാത്രാമധ്യേ ഗരീബ് രഥ് എക്സ്പ്രസ് ട്രെയിനില് വെച്ച് വിദ്യാര്ത്ഥിനിയെ പീഡിപ്പിച്ചെന്നാരോപിച്ച് ഒരാളെ അറസ്റ്റ് ചെയ്തതായി പോലീസ് അറിയിച്ചു. ഉത്തര്പ്രദേശിലെ ആഗ്ര സ്വദേശി സൗരഭ് കുമാറാണ് പ്രതി.
