ബംഗളൂരു : കന്നട നടന്‍ നാഗഭൂഷണ ഓടിച്ച വാഹനമിടിച്ച് കാൽനടയാത്രക്കാരിയായ സ്ത്രീ മരിച്ചു. 48കാരിയായ പ്രേമയാണ് മരിച്ചത്.
ഒപ്പമുണ്ടായിരുന്ന ഭർ‌ത്താവ് കൃഷ്ണ(58) ഗുരുതര പരിക്കുകളോടെ ആശുപത്രിയിലാണ്. വസന്തപുര മെയിൻ റോഡിൽ ശനിയാഴ്‌ച‌യായിരുന്നു സംഭവം. ഉത്തരഹള്ളിയില്‍ നിന്നും കൊനാനകുണ്ഡെയിലേക്ക് പോവുകയായിരുന്ന നാഗഭൂഷണയുടെ കാർ ഫുട്‌പാത്തിലൂടെ നടന്നു പോവുകയായിരുന്ന ദമ്പതികളെ ഇടിക്കുകയായിരുന്നു. സ്ത്രീ മരിച്ചു. കേസില്‍ നാഗഭൂഷണയെ അറസ്റ്റ് ചെയ്തെങ്കിലും ജാമ്യം നല്‍കിയതായി അറിയുന്നു. തഗാരു പാല്യ എന്ന കന്നട ചിത്രത്തിലൂടെ ശ്രദ്ധേയനായ നടനാണ് നാഗഭൂഷണ.
അമിതവേഗതവും തികഞ്ഞ ശ്രദ്ധക്കുറവോടെയുള്ള ഡ്രൈവിങ്ങുമാണ് അപകടകാരണമെന്ന് പൊലീസ് വിലയിരുത്തുന്നു. അമിത വേഗത, അശ്രദ്ധമായ ഡ്രൈവിങ് തുടങ്ങിയ വകുപ്പുകൾ പ്രകാരം നടനെതിരെ കേസെടുത്തു. “രക്തസാമ്പിള്‍ പരിശോധനയ്‌ക്കയച്ചിട്ടുണ്ട്. ബ്രെത് അനലൈസറില്‍ മദ്യത്തിന്റെ അംശം കാണാന്‍ സാധിച്ചില്ല.”-ഡിസിപി ട്രാഫിക് സൗത്ത് ശിവ പ്രകാശ് പറഞ്ഞു.
പ്രതികരിക്കാൻ ഇവിടെ എഴുതുക