തിരുവനന്തപുരം: ജില്ലയില് കനത്ത മഴയില് വീടുകള്ക്ക് നാശനഷ്ടം. കാട്ടാക്കട പന്നിയോട് വീടിന്റെ പിന്ഭാഗം തകര്ന്ന് അയല്വാസിയുടെ വീട്ടില് പതിച്ചു. അശോകന്-ഗായത്രി ദമ്പതികളുടെ വീടിന്റെ പിന്ഭാഗമാണ് പൂര്ണമായും തകര്ന്നത്.
അയല്വാസിയായ മേക്കുംകര വീട്ടില് പി രാജുവിന്റെ വീട്ടിലെ കുളിമുറിയും ശൗചാലയവും വീടിന്റെ ഭിത്തികള്ക്കും കേടുപാടുണ്ടായി. സംഭവ സമയം അശോകനും ഭാര്യയും രണ്ട് പെണ്മക്കളും ബന്ധു വീട്ടിലായിരുന്നതിനാല് വന് അപകടമാണ് ഒഴിവായത്.
പെരിങ്ങമ്മല പഞ്ചായത്തിലെ നരിക്കല്ലില് വീട്ടില് മണ്ണിടിഞ്ഞു വീണു.സോമരാജന്റെ വീട്ടിലാണ് മണ്ണിടിഞ്ഞു വീണത്. മലയോര ഹൈവേ നിര്മാണവുമായി ബന്ധപ്പെട്ട് ഉണ്ടായ അശാസ്ത്രീയ നിര്മാണമാണ് മണ്ണിടിച്ചിലിന് കാരണമെന്നാണ് ആരോപണം.
