ചെന്നൈ: പ്രശസ്ത കൃഷി ശാസ്ത്രജ്ഞന്‍ എം.എസ്. സ്വാമിനാഥന് അന്ത്യാഞ്ജലികളര്‍പ്പിച്ച് ഭാരതം. ചെന്നൈയിലെ ബസന്ത് നഗര്‍ ശ്മശാനത്തില്‍ ഔദ്യോഗിക ബഹുമതികളോടെയായിരുന്നു സംസ്‌കാര ചടങ്ങുകള്‍. കേരളത്തില്‍ നിന്ന് മന്ത്രിമാരായ കെ. കൃഷ്ണന്‍കുട്ടി, പി. പ്രസാദ്, തെലങ്കാന മന്ത്രി നിരഞ്ജന്‍ റെഡ്ഡി, കൊടിക്കുന്നില്‍ സുരേഷ് എംപി, സിപിഐ ജനറല്‍ സെക്രട്ടറി ഡി. രാജ തുടങ്ങിയവര്‍ ചടങ്ങില്‍ പങ്കെടുത്തു.
വ്യാഴാഴ്ച രാവിലെ ചെന്നൈയിലെ വസതിയിലായിരുന്നു എം.എസ്. സ്വാമിനാഥന്റെ അന്ത്യം. എം.എസ്. സ്വാമിനാഥന് റിസര്‍ച്ച് ഫൗണ്ടേഷനില്‍ പൊതുദര്‍ശനത്തിന് വച്ച ഭൗതികദേഹത്തില്‍ തമിഴ്നാട് ഗവര്‍ണര്‍ ആര്‍.എന്‍. രവി അന്ത്യാഞ്ജലിയര്‍പ്പിച്ചു. മുന്‍ ഉപരാഷ്‌ട്രപതി എം. വെങ്കയ്യ നായിഡു, തമിഴ്നാട് മുഖ്യമന്ത്രി എം.കെ. സ്റ്റാലിന്‍, മുന്‍ മുഖ്യമന്ത്രി എടപ്പാടി കെ. പളനിസ്വാമി ഉള്‍പ്പെടെ വിവിധ മേഖലകളില്‍ നിന്നുള്ളവര്‍ ആദരാഞ്ജലിയര്‍പ്പിച്ചു.
പ്രതികരിക്കാൻ ഇവിടെ എഴുതുക: