ഗുവാഹാത്തി: ഇന്ത്യന്‍ സൂപ്പര്‍ ലീഗി(ഐഎസ്എല്‍)ല്‍ ഇന്നലെ നടന്ന മത്സരത്തില്‍ നോര്‍ത്ത് ഈസ്റ്റ് യുണൈറ്റഡിന് സീസണിലെ ആദ്യ ജയം. ഇന്നലെ നടന്ന കളിയില്‍ മുന്‍ ചാമ്പ്യന്‍മാരായ ചെന്നൈയിനെ സ്വന്തം തട്ടകത്തില്‍ കീഴടക്കി. എതിരില്ലാത്ത മൂന്ന് ഗോളുകള്‍ക്കായിരുന്നു നോര്‍ത്ത് ഈസ്റ്റ് വിജയം.
രണ്ട് പകുതികളിലും നോര്‍ത്ത് ഈസ്റ്റ് ഗോളുകള്‍ നേടി. 42-ാം മിനിറ്റില്‍ പ്രതീബ് ഗോഗോയി നേടിയ ഗോളില്‍ ആദ്യപകുതി മുന്നിട്ടു നിന്നു. രണ്ടാം പകുതി തുടങ്ങിയപ്പോള്‍ തന്നെ ചെന്നൈയിന് ഇരട്ട പ്രഹരമേല്‍പ്പിച്ച് നോര്‍ത്ത് ഈസ്റ്റ് യുണൈറ്റഡ് അടുത്ത ഗോളും നേടി. ഇക്കുറഇ കൊന്‍സാം ഫാല്‍ഗുനി സിങ് ആണ് ഗോളടിച്ചത്. കളിക്കു 48 മിനിറ്റെത്തിയപ്പോഴായിരുന്നു നോര്‍ത്ത് ഈസ്റ്റ് യുണൈറ്റഡിന്റെ രണ്ടാം ഗോള്‍. മൂന്നാം ഗോള്‍ ഇന്‍ജുറി ടൈമില്‍ അഷീര്‍ അക്തര്‍ നേടി.
ജയത്തെ തുടര്‍ന്ന് നോര്‍ത്ത് ഈസ്റ്റ് യുണൈറ്റഡ് പട്ടികയില്‍ കേരള ബ്ലാസ്റ്റേഴ്‌സിനെ മറികടന്ന് നാലാം സ്ഥാനത്തേക്കെത്തി. മൂന്ന് ഏകജയത്തിലൂടെ മൂന്ന് പോയിന്റ് കൈവരിച്ച ടീം ബ്ലാസ്‌റ്റേഴ്‌സിനേക്കാള്‍ കൂടുതല്‍ ഗോളുകള്‍ നേടിയിട്ടുണ്ട്.
രണ്ടാം മത്സരവും തോറ്റ ചെന്നൈയിന് എഫ്‌സി 12-ാം സ്ഥാനത്താണ്. രണ്ട് കളികളിലായി രണ്ട് ഗോളുകളാണ് ടീം വഴങ്ങിയിരിക്കുന്നത്. ഒരു ഗോള്‍ പോലും നേടിയിട്ടുമില്ല.
പ്രതികരിക്കാൻ ഇവിടെ എഴുതുക: