തൃശ്ശൂര്: കരുവന്നൂര് ബാങ്ക് തട്ടിപ്പുമായി ബന്ധപ്പെട്ട് ചോദ്യം ചെയ്യലിനായി എന്ഫോഴ്സ്മെന്റ് ഡയറക്ടറേറ്റിനു (ഇ.ഡി) മുന്നില് ഹാജരായി കേരള ബാങ്ക് വൈസ് ചെയര്മാന് എം.കെ. കണ്ണന്.
ഇന്നു രാവിലെ മുഖ്യമന്ത്രി പിണറായി വിജയനുമായി കൂടികാഴ്ച നടത്തിയ ശേഷമാണ് സിപിഎം സംസ്ഥാന സമിതിയംഗം കൂടിയായ കണ്ണന് ഇഡിക്കു മുന്നിലെത്തിയത്. തൃശ്ശൂരിലെ രാമനിലയത്തില്വെച്ചായിരുന്നു കൂടിക്കാഴ്ച. സര്ക്കാരിന്റെ മേഖലാ അവലോകന യോഗത്തില് പങ്കെടുക്കാന് തൃശ്ശൂരിലെത്തിയതായിരുന്നു മുഖ്യമന്ത്രി.
കരുവന്നൂര് ബാങ്ക് തട്ടിപ്പുമായി ബന്ധപ്പെട്ട് എം.കെ. കണ്ണനെ രണ്ടാംതവണയാണ് ഇഡി ചോദ്യം ചെയ്യലിനായി വിളിപ്പിക്കുന്നത്. കണ്ണന് പ്രസിഡന്റായ തൃശൂര് സര്വീസ് സഹകരണ ബാങ്കില് മുമ്പ് ഇഡി റെയ്ഡ് നടത്തിയിരുന്നു. ഇതിന് പിന്നാലെയാണ് അദ്ദേഹത്തെ ആദ്യം ചോദ്യം ചെയ്തത്.
