തിരുവനന്തപുരം: കൊല്ക്കത്തയിലെ സത്യജിത് റേ ഫിലിം ആന്ഡ് ടെലിവിഷന് ഇന്സ്റ്റിറ്റിയൂട്ടിന്റെ ചെയര്മാന് സ്ഥാനവുമായി ബന്ധപ്പെട്ട കള്ള വാര്ത്ത നല്കിയ കുത്തിത്തിരിപ്പ് മാധ്യമങ്ങള്ക്ക് സുരേഷ് ഗോപിയുടെ കൃത്യമായ മറുപടി. കേന്ദ്ര ഇന്ഫര്മേഷന് ആന്ഡ് ബ്രോഡ്കാസ്റ്റിങ് മന്ത്രാലയം നിര്ദ്ദേശിച്ച തീയതിയിലും സമയത്തും നിര്ദ്ദേശങ്ങള് അനുസരിച്ച് ഞാന് ചെയര്മാനായി ചുമതലയേല്ക്കുമെന്നും രാഷ്ട്രീയത്തില് തുടരുമെന്നും ഫേസ് ബുക്കിലൂടെ സുരേഷ് ഗോപി വ്യക്തമാക്കി. സത്യജിത് റേയുടെ പേരിന് സര്ഗാത്മതയിലൂടെ താന് തിളക്കം നല്കുമന്നും അദ്ദേഹം വ്യക്തമാക്കി.
ചെയര്മാന് പദവി നല്കിയത് ഒതുക്കാനാണെന്നും തൃശ്ശൂരില് മത്സരിപ്പിക്കാതിരിക്കാനാണെന്നും അതിനാല് പദവി ഏറ്റെടുക്കില്ലന്നും മുഖ്യധാരാ മാധ്യമങ്ങള് പോലും വാര്ത്ത നല്കിയിരുന്നു. നടന്റെ അടുത്തതത ബന്ധുക്കള് സൂചിപ്പിച്ചു എന്ന മട്ടിലായിരുന്നു വാര്ത്തയുടെ അവതരണം. സുരേഷ് ഗോപിയെ പലതവണ കേന്ദ്രമന്ത്രിയും ബിജെപി സംസ്ഥാന അധ്യക്ഷനുമൊക്കെയാക്കിയ മാധ്യമങ്ങളായതിനാല് ഗൗരവത്തില് എടുത്തിരുന്നില്ല. എങ്കിലും നുണ ആവര്ത്തിക്കുമ്പോളാണ് വിശദീകരണമായി നടന് ഫേസ് ബുക്കില് കുറിപ്പെഴുതിയത്.
സുരേഷ് ഗോപിയുടെ കുറിപ്പ്:
കൊല്ക്കത്തയിലെ സത്യജിത് റേ ഫിലിം ആന്ഡ് ടെലിവിഷന് ഇന്സ്റ്റിറ്റിയൂട്ടിന്റെ ചെയര്മാന് സ്ഥാനത്തേക്കുള്ള ക്ഷണത്തിനും സ്ഥിരീകരണത്തിനും ഇന്ത്യന് പ്രധാനമന്ത്രി, ആഭ്യന്തരമന്ത്രി, എന്റെ സുഹൃത്തായ കേന്ദ്രമന്ത്രി അനുരാഗ് സിങ് ഠാക്കൂര് എന്നിവര്ക്ക് നന്ദി.
100% ഇത് വരുമാനമുള്ള പദവിയല്ലെന്നും ശമ്പളമുള്ള ജോലിയല്ലെന്നും എല്ലാ രീതിയിലും രാഷ്ട്രീയക്കാരനായി തുടരാന് സാധിക്കുമെന്നുള്ള മന്ത്രിയുടെ ഉറപ്പും ഉള്ളതുകൊണ്ടാണ് ഞാന് ചുമതല ഏറ്റെടുക്കുന്നത്. അതിനാല് കേന്ദ്ര ഇന്ഫര്മേഷന് ആന്ഡ് ബ്രോഡ്കാസ്റ്റിങ് മന്ത്രാലയം നിര്ദ്ദേശിച്ച തീയതിയിലും സമയത്തും നിര്ദ്ദേശങ്ങള് അനുസരിച്ച് ഞാന് ചെയര്മാനായി ചുമതലയേല്ക്കും. എനിക്കുവേണ്ടി പ്രാര്ത്ഥിക്കൂ, അതുവഴി ലോകപ്രശസ്തനായ ഇന്ത്യന് സിനിമകളിലെ ഷേക്സ്പിയറുടെ പേരിന് സര്ഗാത്മതയിലൂടെ ഞാന് തിളക്കം നല്കും
കേരളത്തിലെ സാമ്പത്തികമായി ബുദ്ധിമുട്ടുന്ന ജനവിഭാഗങ്ങള്ക്കു വേണ്ടിയുള്ള ഗാന്ധിജയന്തി റാലിക്ക് ഒരു തടസ്സവും ഉണ്ടാകില്ല. പ്രതിഷേധ മാര്ച്ചിനൊപ്പം ഞാനും പോകും.
