ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ ഒക്ടോബർ 10-ന് ആരംഭിച്ചേക്കും. ഫ്ളിപ്കാർട്ടിന്റെ ബിഗ് ബില്യൺ ഡേയ്സ് സെയിലിനൊപ്പം തന്നെ ആമസോൺ ഗ്രേറ്റ് ഇന്ത്യന്ഡ ഫെസ്റ്റിവൽ സെയിൽ നടന്നേക്കുമെന്നാണ് സൂചന. സാധാരണ എല്ലാ വർഷവും ഒരേ സമയത്താണ് രണ്ട് ഇ-കൊമേഴ്സ് ഭീമന്മാർ ഇത് സംബന്ധിച്ച് പ്രഖ്യാപനം നടത്തുന്നത്.
ഈ ദിവസങ്ങളിൽ വിവിധ ഉത്പന്നങ്ങൾക്കാണ് മികച്ച ഓഫറുകളും ഡീലുകളും കിഴിവുകളും ആമസോൺ വാഗ്ദാനം ചെയ്യുന്നത്. ആമസോൺ പ്രൈം വരിക്കാർക്ക് നേരത്തെ തന്നെ ഇതിലേക്ക് ആക്സസ് വാഗ്ദാനം ചെയ്യുന്നുണ്ട്. എസ്ബിഐ ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉടമകൾക്ക് 10 ശതമാനം ഇൻസ്റ്റന്റ് ഡിസ്കൗണ്ട് പ്രഖ്യാപിച്ചിട്ടുണ്ട്. ഇതിനൊപ്പം തന്നെ ലോകകപ്പ് ക്രിക്കറ്റുമായി ബന്ധപ്പെട്ട് നിരവധി ഡീലുകളും പ്രഖ്യാപനത്തിലുണ്ട്.
67 ശതമാനം വരെ ഓഫറുകളാണ് ടെലിവിഷന് നൽകിയിരിക്കുന്നത്. മൊബൈൽ ഫോണുകൾക്കും ആക്സസറീസിനും 40 ശതമാനം കിഴിവാണ് പ്രഖ്യാപിച്ചിരിക്കുന്നത്. ഇതിന് പുറമെ 60,000 രൂപയാണ് എക്സേഞ്ചിലൂടെ ലഭിക്കുക. ലാപ്ടോപുകൾക്കും ഹെഡ്ഫോണുകൾക്കും 80 ശതമാനം വരെ ഓഫറുകളുണ്ട്.
