ന്യൂദല്‍ഹി: തീവ്ര ഇസ്ലാമിസ്റ്റുകളുടെ കേന്ദ്രമായി കേരളം മാറുന്നത് ആഭ്യന്തര സുരക്ഷയ്ക്ക് അപകടമെന്ന് ബിജെപി ദേശീയ സെക്രട്ടറി അനില്‍ ആന്റണി. കുറച്ചു മാസങ്ങളായി കേരളത്തിലെ സംഭവവികാസങ്ങള്‍ ഇതിന് തെളിവാണ്. ഐഎസുമായി ബന്ധമുള്ള നിരോധിത സംഘടനയായ പോപ്പുലര്‍ ഫ്രണ്ടിന്റെ നിരവധി നീക്കങ്ങളാണ് എന്‍ഐഎ തകര്‍ത്തത്.
തീവ്രവാദ ഗ്രൂപ്പുകള്‍ക്ക് തന്ത്രപ്രധാനമായ വിവരങ്ങള്‍ ചോര്‍ത്തി നല്കിയതിന് കേരളാ പോലീസിലെ ഒരു ഉദ്യോഗസ്ഥനെ തന്നെ സസ്പെന്‍ഡ് ചെയ്തു. എന്നാല്‍ കൊല്ലത്ത് കടയ്‌ക്കലില്‍ ഒരു സൈനികന്‍ ചെയ്ത കുറ്റകൃത്യത്തിന്റെ പശ്ചാത്തലത്തില്‍ ഇതെല്ലാം കണ്ടില്ലെന്ന് നടിക്കുകയാണ് കോണ്‍ഗ്രസും സിപിഎമ്മും മുസ്ലിംലീഗും ഉള്‍പ്പെടുന്ന ഐഎന്‍ഡിഐഎയും അവരെ പിന്തുണയ്‌ക്കുന്ന ഒരു വിഭാഗം മാധ്യമങ്ങളും. കൊല്ലത്തെ സംഭവത്തിന്റെ പശ്ചാത്തലത്തില്‍ കേരളത്തില്‍ നടക്കുന്ന തീവ്രവാദ പ്രവര്‍ത്തനങ്ങളെ വെള്ളപൂശാനാണ് ഒരു വിഭാഗം ശ്രമിക്കുന്നതെന്നും അദ്ദേഹം എക്സില്‍ പ്രതികരിച്ചു.
പ്രതികരിക്കാൻ ഇവിടെ എഴുതുക: