ലോസ് ആഞ്ജലിസ്: 1960-കളിൽ പുറത്തിറങ്ങിയ ഹിറ്റ് പരമ്പരയായ ദി മാൻ ഫ്രം അങ്കിളിലെ കഥാപാത്രത്തിലൂടെ ജനപ്രീതി നേടിയ നടൻ ഡേവിഡ് മക്കല്ലം അന്തരിച്ചു. ന്യൂയോർക്കിലെ പ്രെസ്‌ബൈറ്റീരിയൻ ആശുപത്രിയിൽ വെച്ചായിരുന്നു അന്ത്യം.
എൻസിഐഎസിന്റെ 450-ലധികം എപ്പിസോഡുകളിൽ അദ്ദേഹം പോസ്റ്റ്‌മോർട്ടം വിദഗ്ധന്റെ കഥാപാത്രവും അവതരിപ്പിച്ചിരുന്നു. 1968-ൽ അവസാനിച്ച ദി മാൻ ഫ്രം അങ്കിളിലെ ഇല്ല്യ കുര്യക്കേസ് എന്ന റഷ്യൻ ഏജന്റിന്റെ കഥാപാത്രം അദ്ദേഹത്തിന് നിരവധി പുരസ്‌കാര നാമ നിർദ്ദേശങ്ങൾ ലഭിച്ചിരുന്നു.
ഗോൾഡൻ ഗ്ലോബ്, എമ്മി പുരസ്‌കാര നാമനിർദ്ദേശങ്ങളാണ് ലഭിച്ചത്. എ നൈറ്റ് ടു റിമംബർ, ദി ഗ്രേറ്റ് എസ്‌കേപ്പ് എന്നിങ്ങനെയുള്ള ചിത്രങ്ങളിലും ശ്രദ്ധേയമായ വേഷമിട്ടു.
പ്രതികരിക്കാൻ ഇവിടെ എഴുതുക: