തിരുവനന്തപുരം: മുഖ്യമന്ത്രിയുടെ ഉദ്യോഗസ്ഥ ചര്‍ച്ചയുടെ മേഖല യോഗങ്ങള്‍ ചൊവ്വാഴ്ച മുതല്‍ . തിരുവനന്തപുരം ജിമ്മി ജോര്‍ജ് സ്റ്റേഡിയത്തിലാണ് ആദ്യ യോഗം.ചീഫ് സെക്രട്ടറിയും വകുപ്പ് മേധാവിമാരും ജില്ലാ കളക്ടര്‍മാരും പങ്കെടുക്കുന്ന യോഗം രാവിലെയാണ്. ഉച്ചയ്‌ക്കു ശേഷം ഉന്നത പൊലിസ് ഉദ്യോഗസ്ഥരുടെ യോഗമാണ്. തിരുവനന്തപുരം, കൊല്ലം, പത്തനംതിട്ട ജില്ലയിലെ ഉദ്യോഗസ്ഥര്‍ സംബന്ധിക്കും.
തൃശൂര്‍ മേഖല യോഗം വ്യാഴാഴ്ച ചേരും .ഈ മാസം 28ന് പാലക്കാട്, മലപ്പുറം, തൃശൂര്‍ ജില്ലകളുടെ മേഖലാതല അവലോകന യോഗം തൃശൂര്‍ ഈസ്റ്റ് ഫോര്‍ട്ട് ലൂര്‍ദ് ചര്‍ച്ച് ഹാളില്‍ നടക്കും.
ഒക്ടോബര്‍ മൂന്നിന് എറണാകുളവും അഞ്ചിന് കോഴിക്കോടും മേഖല യോഗങ്ങള്‍ നടക്കും. 9.30 മുതല്‍ 1.30 വരെ പ്രധാന പദ്ധതികളുടെ അവലോകനം.3.30 മുതല്‍ 5.30 വരെ ക്രമസമാധന പ്രശ്‌നങ്ങള്‍ ചര്‍ച്ച ചെയ്യും.
അടുത്ത മാസം മൂന്നിന് എറണാകുളം, ഇടുക്കി, ആലപ്പുഴ, കോട്ടയം ജില്ലകളുടെ അവലോകന യോഗങ്ങള്‍ എറണാകുളം ബോള്‍ഗാട്ടി പാലസില്‍. ഒക്ടോബര്‍ അഞ്ചിന് കാസര്‍ഗോഡ്, കണ്ണൂര്‍, വയനാട്, കോഴിക്കോട് ജില്ലകളുടെ അവലോകനയോഗം കോഴിക്കോട് മറീന കണ്‍വന്‍ഷന്‍ സെന്ററിലാണ് നടക്കുന്നത്.
പ്രതികരിക്കാൻ ഇവിടെ എഴുതുക: