മുംബയ് : വെള്ളിയാഴ്ച ഓസ്ട്രേലിയയ്‌ക്കെതിരായ 5 വിക്കറ്റ് വിജയത്തിന് പിന്നാലെ ക്രിക്കറ്റിലെ മൂന്ന് വിഭാഗങ്ങളിലും ഇന്ത്യ ഒന്നാമത്.
ടെസ്റ്റ്, ഏകദിനം, ടി20 എന്നീ മൂന്ന് ഫോര്‍മാറ്റുകളിലും ഒന്നാം റാങ്കുള്ള ടീമായിരിക്കുകയാണ് ഇന്ത്യ.
ഏകദിന റാങ്കിംഗില്‍ പാകിസ്ഥാനെ നീക്കിയാണ് ഇന്ത്യ ഒന്നാം സ്ഥാനത്ത് എത്തിയത്.ട്വന്റി-20 റാങ്കിംഗില്‍ ഇംഗ്ലണ്ടിനെ മറികടന്നാണ് ഇന്ത്യ ഒന്നാമതെത്തിയത്. ടെസ്റ്റില്‍ അവര്‍ ഓസ്‌ട്രേലിയയാണ് ഇന്ത്യക്ക് പിന്നില്‍ രണ്ടാമതായുളളത്.
ടെസ്റ്റ്, ഏകദിന, ടി20 ക്രിക്കറ്റില്‍ ഇന്ത്യ ഒന്നാം റാങ്കിലെത്തിയെന്നും ഈ നേട്ടത്തിന് ഹൃദയം നിറഞ്ഞ അഭിനന്ദനങ്ങള്‍ എന്നും ബിസിസിഐ സെക്രട്ടറി ജയ് ഷാ സാമൂഹ്യമാധ്യമ പോസ്റ്റില്‍ പറഞ്ഞു. ടീമിന്റെ കഠിനാദ്ധ്വാനമാണ് ഈ നേട്ടം പ്രതിഫലിപ്പിക്കുന്നതെന്ന് അദ്ദേഹം പറഞ്ഞു.ലോകകപ്പിന് മുന്നോടിയായുളള നേട്ടം മികച്ചതെന്നും ജയ് ഷാ കുറിച്ചു.
പ്രതികരിക്കാൻ ഇവിടെ എഴുതുക: