കോഴിക്കോട്: ജില്ലയിൽ നിപ മാനദണ്ഡങ്ങൾ ലംഘിച്ച് ഗുസ്തി മത്സരം. ജില്ലാ തല സ്കൂൾ ഗെയിംസുമായി ബന്ധപ്പെട്ട് ഇൻഡോർ സ്റ്റേഡിയത്തിലാണ് നിയന്ത്രണങ്ങൾ മറികടന്ന് ഗുസ്തി മത്സരം നടക്കുന്നത്. കളക്ടറുടെ ഉത്തരവ് ലംഘിച്ചാണ് മത്സരം സംഘടിപ്പിച്ചിരിക്കുന്നത്. മത്സരത്തിന്റെ ഭാഗമാകുന്നതിനായി 200-ഓളം വിദ്യാർത്ഥികളും രക്ഷിതാക്കളുമാണ് ഇവിടെ എത്തിയിരിക്കുന്നത്.
മത്സരം മാറ്റിവെക്കണമെന്ന് കളക്ടറിന്റെ നിർദ്ദേശം ഉണ്ടായിരുന്നു. ചട്ടലംഘനം നടക്കുകയാണെങ്കിൽ ഇതിന്റെ ഉത്തരവാദിത്തം ഡിഡിഇക്ക് എന്ന് ഉത്തരവിൽ പരാമർശിച്ചിട്ടുണ്ട്. എന്നാൽ ഇത് വകവെയ്ക്കാതെയാണ് സാമൂഹിക അകലമോ മാസ്കോ ഇല്ലാതെ ആളുകൾ എത്തിയിരിക്കുന്നത്.
