അടൂർ: പത്തനംതിട്ട അടൂർ ഏനാത്ത് തടികയിൽ എട്ടുവയസുകാരനെ കൊലപ്പെടുത്തിയ ശേഷം പിതാവ് ആത്മഹത്യ ചെയ്തു. ചൊവ്വാഴ്ച രാവിലെയാണ് സംഭവം. തട്ടാരുപടി കൊട്ടാരം അമ്പലത്തിന് സമീപം താമസിക്കുന്ന മാത്യു പി. അലക്സാണ് മൂത്ത മകൻ മെൽവിനെ കൊലപ്പെടുത്തിയ ശേഷം ജീവനൊടുക്കിയത്.
മാത്യുവിന്റെ ഭാര്യ വിദേശത്ത് ജോലി ചെയ്യുകയാണ്. രണ്ടു മക്കളും മാത്യുവും മാത്രമാണ് വീട്ടിൽ താമസിച്ചിരുന്നത്. മദ്യലഹരിയിലാണ് കൊലപാതകമെന്നാണ് നിഗമനം. മെൽവിന്റെ മൃതദേഹം കണ്ട സഹോദരൻ ആൽവിനാണ് അയൽക്കാരെ വിവരമറിയിച്ചത്. സുഖമില്ലാത്ത കുട്ടി ആയിരുന്നു മെല്വിന് എന്ന് പോലീസ് പറയുന്നു. കുട്ടിക്ക് വിഷം നല്കിയൊ ശ്വാസം മുട്ടിച്ചൊ കൊലപ്പെടുത്തിയതാകാമെന്നാണ് പ്രാഥമിക നിഗമനം.
കുടുംബപ്രശ്നങ്ങളാകാം ഇത്തരമൊരു സംഭവത്തിന് പിന്നിലെന്നാണ് പോലീസ് കരുതുന്നത്. സംഭവത്തില് ഏനാത്ത് പോലീസ് അന്വേഷണം ആരംഭിച്ചു.
